សន្តិសុខសង្គម

សមត្ថកិច្ចឃាត់ខ្លួនក្រុមលួចកាត់ខ្សែភ្លើងក្នុងក្រុងខេមរភូមិន្ទ និងស្រុកមណ្ឌលសីមា

បានផុស

៣ years មុន

នៅ

ថ្ងៃសៅរ៍ ៩ មេសា ២០២២

ដោយ

សមត្ថកិច្ចនគរបាលក្រុងខេមរភូមិន្ទ ចុះពិនិត្យបង្រ្កាបបានមុខសញ្ញាសកម្មដែលលួចកាត់ ខ្សែភ្លើងនៅក្នុងក្រុងខេមរភូមិន្ទ និងនៅស្រុកមណ្ឌលសីមា ខេត្តកោះកុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយឯក យស់ ចាន់វិចិត្រ អធិការនគរបាលក្រុង អោយដឹងនៅព្រឹកថ្ងៃទី៩ ខែមេសានេះថា រូបលោក និងកម្លាំងនគរបាលប៉ុស្តិ៍ទាំង៣សង្កាត់ បានបើកការស្រាវជ្រាវស្វែងរកមុខសញ្ញាសង្ស័យរហូតដល់វេលាម៉ោង ៣និង០០នាទីទាបភ្លឺ ថ្ងៃទី៨ ខែមេសា ឆ្នាំ២០២២ ទើបកំណត់បានមុខសញ្ញាជនសង្ស័យ និងរកកន្លែងលាក់ខ្លួនជនសង្ស័យឃើញស្ថិតក្នុងភូមិ៣សង្កាត់ដងទង់។

លោកអធិការនគរបាលក្រុងខេមរភូមិន្ទបន្តថា ជនសង្ស័យទាំង២នាក់នោះ ទី១.ឈ្មោះ មាស ទិត្យ ភេទប្រុស អាយុ៣៩ឆ្នាំ ជនជាតិខ្មែរ ទីលំនៅមិនពិតប្រាកដ និង២.ឈ្មោះ តំ សុីណា ភេទស្រី អាយុ៣៩ឆ្នាំ ជនជាតិខ្មែរ មុខរបររើសអេតចាយ ស្នាក់នៅបន្ទប់ជួល ស្ថិតក្នុងភូមិ៣ សង្កាត់ស្មាច់មានជ័យ។

ក្រោយផ្តល់ចម្លើយសារភាពនៅចំពោះមុខសមត្ថកិច្ច ក្រុមជនសង្ស័យពិតជាបានធ្វើសកម្មភាពលួចកាត់ខ្សែភ្លើង និងអំពូលសឡាក្នុងភូមិសាស្ត្រក្រុង និងស្រុកមណ្ឌលសីម៉ា ជាច្រើនលើកពិតប្រាកដមែន។ កម្លាំងសមត្ថកិច្ចបន្តកសាងសំណុំរឿងបញ្ជូនទៅការិយាល័យជំនាញចាត់ការបន្តតាមនីតិវិធី។