សន្តិសុខសង្គម

អ្នកនេសាទផ្អាកចេញទូករកត្រី ១ សប្ដាហ៍ដោយសារកំប្លោកអណ្ដែតកកកុញពេញផ្ទៃទឹកទន្លេ

បានផុស

៣ years មុន

នៅ

ថ្ងៃចន្ទ ១១ មេសា ២០២២

ដោយ

deth leng

អ្នកនេសាទជាច្រើនបានផ្អាករបរមួយសប្តាហ៍កន្លងទៅនេះដោយសារតែដើមកំប្លោកអណ្តែតពេញផ្ទៃទឹកទន្លេដែលមិនអាចបើកទូកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជានេសាទត្រីតាមទន្លេបាសាក់នៅក្រុងតាខ្មៅ លោក មុន សុត ប្រាប់ថា រយៈពេលជិត១សប្តាហ៍ កន្លងមកនេះពួកគាត់បានផ្អាកការនេសាទដោយសារតែដើមកំប្លោកអណ្តែតមកក្នុងទន្លេរណែនប៉ែសហើយបើចង់ឲ្យអស់ទាល់តែប្រមូលអ្នកនេសាទទាំងអស់ចុះស្តាចេញទើបអស់។

ដោយឡែកអ្នកនេសាទជនជាតិខ្មែរឥស្លាមលោក អែល អ៊ីសុះ បានឲ្យដឹងថា ពួកខ្ញុំរស់តែដោយសារនេសាទជាលក្ខណះបង់សំណាញ់ដោយប្រើប្រាស់ទូកចែវប៉ុន្តែដើមកំប្លោកចុះពេញផ្ទៃទឹកទន្លេទើបចេញនេសាទមិនបាន។

ក្នុងនោះដែរបើតាមការអះអាងលោក លីវ វណ្ណថេង ចៅសង្កាត់ព្រែកថ្មីបានប្រាប់កម្ពុជាថ្មីដឹងថានៅប៉ុន្មានថ្ងៃនេះដើមកំប្លោកបានអណ្តែតមកពីទន្លេមេគង្គក្រោមខ្លាំងណាស់បើទោះជាអាជ្ញាធរយកសាឡង់ស្រង់ចេញក៏មិនអស់ព្រោះជារដូវទឹកស្រកដែលដើមកំប្លោកអណ្តែតមកពីទន្លេសាបជារៀងរាល់ឆ្នាំ។ប៉ុន្តែឆ្នាំនេះដើមកំប្លោកអណ្តែតមកច្រើនជាងឆ្នាំមុនមិននិកស្មានសោះ៕