សន្តិសុខសង្គម

មីន PMN2 ១២ គ្រាប់ ត្រូវអេស្កាវ៉ាទ័រកាយឃើញកប់ក្នុងដី

បានផុស

៣ years មុន

នៅ

ថ្ងៃចន្ទ ២៥ មេសា ២០២២

ដោយ

គ្រាប់យុទ្ធភណ្ឌមិនទាន់ផ្ទុះជាប្រភេទមីនជាន់ PMN2 ១២ គ្រាប់ ដែលពលរដ្ឋប្រទះឃើញរាយការណ៍ជូនសមត្ថកិច្ច ត្រូវបានមន្ត្រីបោសសំអាតមីនយកទីរក្សាទុក ដោយសុវត្ថិភាពហើយកាលពីរសៀលនៅថ្ងៃ ២៤ ខែមេសា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីនគរបាលស្រុកថ្មពួក បានឲ្យដឹងថា ក្រោយពីទទួលព័ត៌មានពីម្ចាស់គ្រឿងចក្រអែស្កាវ៉ាទ័រ លើកផ្លូវហើយបានប្រទះឃើញគ្រាប់យុទ្ធភណ្ឌមិនទាន់ផ្ទុះខាងលើដែលនៅកប់ក្នុងដី កម្លាំងនគរបាលប៉ុស្តិ៍គោកឋិន សហការណ៍ជាមួយ និងក្រុមការងារបោសសំអាតមីន(Hallo)បានទៅទទួលយកគ្រាប់យុទ្ធភណ្ឌមិនផ្ទុះ ប្រភេទគ្រាប់ មីនជាន់ PMN2 ចំនួន ១២ គ្រាប់ នៅចំណុចខាងជើងភូមិព្រះឈរ ឃុំគោកកឋិន ស្រុកថ្មពួក ខេត្តបន្ទាយមានជ័យ ចម្ងាយប្រមាណ ៥០ ម៉ែត្រ។

សមត្ថកិច្ចបានបន្តឲ្យដឹងទៀតថា វាជារឿងសំណាងណាស់ដែលគ្រឿងចក្រកាយលើកផ្លូវបានកាយត្រូវហើយមិនផ្ទុះ។ បើសិនជាផ្ទុះវិញវានឹងបង្កឲ្យគ្រោះថ្នាក់ដល់អ្នកបើក និងខូចខាត់គ្រឿងចក្រ៕

អត្ថបទ៖ ពៅ

Related Topics:គ្រាប់មីន