សន្តិសុខសង្គម
ឃុំខ្លួនស្ត្រីអាជីវករលក់ផលិតផលតាមអនឡាញម្នាក់ ដាក់ពន្ធនាគារជាបណ្តោះអាសន្នពីបទឆបោក
ភ្នំពេញ ៖ លោក រស់ សាម៉ីឌី ចៅក្រមស៊ើបសួរសាលាដំ បូងរាជធានីភ្នំពេញ កាលពីរសៀលថ្ងៃទី២៩ ខែមេសា ឆ្នាំ២០២២ បានចេញដីកាសម្រេចឃុំខ្លួនស្ត្រីម្នាក់ជាអាជីវករលក់ផលិតផ លតាមអនឡាញ ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទឆបោក។
ស្ត្រីរូបនោះឈ្មោះ អាន ធីតា អាយុ២៨ ឆ្នាំ មានទីលំនៅពេលឃាត់ខ្លួនផ្ទះលេខ៣០ ផ្លូវលេខ៤១៥ សង្កាត់បឹងកក់ទី៣ ខណ្ឌទួលគោក រាជធានីភ្នំពេញ។ ដីកាឃុំខ្លួនបានដាក់ឲ្យជនត្រូវចោទស្ថិតនៅក្រោមការពិនិត្យពីបទឆបោក ប្រព្រឹត្តនៅរាជធានីភ្នំពេញ កាលពីថ្ងៃទី៣១ ខែមករា ឆ្នាំ២០២០ ដល់ថ្ងៃទី៨ ខែកញ្ញា ឆ្នាំ២០២០ តាមបញ្ញាត្តិមាត្រា ៣៧៧ និង មាត្រា ៣៧៨ នៃក្រមព្រហ្មទណ្ឌ។
ជនសង្ស័យត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ ធ្វើការឃាត់ខ្លួនដល់លំនៅឋាន តាមដីកាបង្គាប់ឲ្យនាំខ្លួនរបស់លោក រស់ សាម៉ីឌី ចៅក្រមស៊ើបសួរសាលាដំបូងរាជធានីភ្នំពេញ ពាក់ពន្ធលើបណ្តឹងរបស់ឈ្មោះ លឹម ស្រីពេជ្រ។
កញ្ញា សុង ឆវ័ន្ត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កាលពីថ្ងៃទី២៦ ខែកក្កដា ឆ្នាំ២០២១ បានចេញដីកាកោះឲ្យជនសង្ស័យចូលខ្លួនទៅស្ថាប័នអយ្យការ ដើម្បីសាកសួរបំភ្លឺពីដំណើររឿងពាក់ពន្ធលើបណ្តឹង៤ បទល្មើស ៖
១.បទ ឆបោក.
២.បទ មិនបំពេញកាតព្វកិច្ចចំពោះឧបករណ៍អាចជួញដូរបាន ៣.បទ សមគំនិតក្នុងអំពើក្លែងបន្លំអត្តសញ្ញាណតតិយជន និង ៤.បទ បរិហារកេរ្តិ៍ជាសាធារណៈ។
តាមពាក្យបណ្តឹងរបស់ជនរងគ្រោះបានបញ្ជាក់ថា កាលពីថ្ងៃទី ៣១ ខែមករា និងថ្ងៃទី៨ ខែកញ្ញា ឆ្នាំ២០២០ ជនសង្ស័យឈ្មោះ អាន ធីតា និងប្តី បានប្រើឧបាយកលទុច្ចរិត ទៅបញ្ចុះបញ្ចូល ដើម្បីសុំខ្ចីប្រាក់ពីដើមបណ្តឹង(លីម ស្រីពេជ្រ)ប្រមាណ ៣០០០ ដុល្លារអាមេរិក ថាយកទៅធ្វើដើមទុនប្រកបមុខរបររកស៊ី និងដោះ ស្រាយធុរៈជាបន្ទាន់ ។ ហើយការខ្ចីប្រាក់នោះក្នុងរយៈពេល ៣ ខែ ដោយឈ្មោះ អាន ធីតា និងប្តី បានសន្យាថា ទូទាត់សងឲ្យគ្រប់ចំនួនវិញ ។ លុះដល់ថ្ងៃកំណត់អ្នកទាំងពីរមិនមានប្រាក់សងទៅដើមបណ្តឹងទេ តែបានអះអាងសុំសងប្រាក់តាមរយៈមូលប្បទា នប័ត្រមួយសន្លឹករបស់ធនាគារ វឌ្ឍនៈអាស៊ីចំកាត់ លេខ៣៧៨ ៤៨៥ ចុះថ្ងៃទី១៥ ខែមីនា ឆ្នាំ២០២១ មានទឹកប្រាក់ចំនួន ២០ ០០ ដុល្លារអាមេរិក និងប្រាក់សុទ្ធបន្ថែមចំនួន១០០០ ដុល្លារអា មេរិក មិនឲ្យផុតពីថ្ងៃទី១៥ ខែ៣ នោះឡើយ ។ ប៉ុន្តែដល់ថ្ងៃបរិច្ឆេតកំណត់ត្រូវបើកប្រាក់ ស្រាប់តែខាងធនាគារបញ្ជាក់ថា មូលប្បទានប័ត្រខាងលើនេះ គ្មានសាច់ប្រាក់ទេ (សែកស្អុយ) ។ ពាក្យបណ្តឹងបញ្ជាក់ទៀតថា បន្ទាប់មកដើមបណ្តឹងបានព្យាយាមទាក់ ទងទៅឈ្មោះ អាន ធីតា និងប្តី តែអ្នកទាំងពីរបានប្រើពាក្យមិនសមរម្យ និងជេរប្រមាថមកលើដើមបណ្តឹងជាច្រើន ថែមទាំងបោះសម្តីឲ្យទៅប្តឹងដល់ណាក៏ប្តឹងទៅ ។ មិនតែប៉ុណ្ណោះឈ្មោះ អាន ធីតា បានប្រើប្រាស់គណនីហ្វេសប៊ុក ឈ្មោះ ស្រី គុជ ធ្វើការបរិហារកេរ្តិ៍ដើមបណ្តឹងជាសាធារណៈ និងប្រឌិតរឿងប្រើពាក្យអសុរស់ជាច្រើនដើម្បីបង្កាច់បង្ខូចកេរ្តិ៍ឈ្មោះដើមបណ្តឹង រួមទាំងភ្ជាប់និងរូបថតរបស់ដើមបណ្តឹងផងដែរ។
ជាងនេះទៅទៀតឈ្មោះ អាន ធីតា ដដែលក៏បានក្លែងបន្លំអត្តសញ្ញាណរបស់ដើមបណ្តឹង ដោយប្រើគណនីហ្វេសប៊ុក ឈ្មោះ Pich Ma Yaa ដាក់រូបភាពដើមបណ្តឹងលើប្រូហ្វាល់ហ្វេសប៊ុក ស្រដៀងនិងគណនី ហ្វេសប៊ុក របស់ដើមបណ្តឹងឈ្មោះ Ma Yaa មកធ្វើការបរិហាកេរ្តិ៍ដើមបណ្តឹងជាសាធារណៈបន្ថែមទៀត ជាមួយហ្វ្រេនក្នុងហ្វេសប៊ុក ជា ច្រើនដោយប្រើពាក្យមិនសមរម្យក្នុងគោលបំណងឲ្យមតិសាធារណៈជនយល់ច្រឡំ ថាគណនីហ្វេសប៊ុករបស់ដើមបណ្តឹង និងដើម្បីឲ្យដើមបណ្តឹងមានបញ្ហាជាច្រើនជាមួយអ្នកដទៃទៀត។
ពាក្យបណ្តឹងនោះក៏បានសំណូមពរ ១.សុំឲ្យតុលាការមេត្តា ធ្វើការឃាត់ខ្លួន និងផ្តន្ទាទោសឈ្មោះ អាន ធីតា និងប្តីទៅតាមផ្លូវច្បាប់ ។ ២.សុំទាមទារការខូចខាត សំណងជំងឺចិត្ត ការខាតបង់ពេល វេលា និងសេវាផ្លូវច្បាប់ ជាទឹកប្រាក់ចំនួន ១០០.០០០ ដុល្លារអាមេរិក៕
ដោយ ៖ មករា
នគរបាលនាយកដ្ឋានប្រឆាំងបទល្មើសសេដ្ឋកិច្ច ចុះដកហូតទឹកឃ្មុំក្លែងបន្លំប្រភពដើមប្រមាណជិត ២០តោន
កម្ពុជាមានក្រុមហ៊ុនវិនិយោគអាជីវកម្មរ៉ែមាស ១១ ក្រុមហ៊ុន ប្រតិបត្តិការនៅ ៦ ខេត្ត ទូទាំងប្រទេស
លោក តាន់ អ៊ីឈីតាន់ ចុះប្រគល់រង្វាន់ ១០០លានរៀល ដោយផ្ទាល់ដល់អ្នកមានសំណាងនៅស្រុកកំចាយមារ ខេត្តព្រៃវែង
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៤ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត