សន្តិសុខសង្គម

ក្មេងប្រុស អាយុ ៨ ឆ្នាំពីរនាក់ លង់ទឹកស្រះវត្ត ស្លាប់ ខណៈចេញពីរៀន

បានផុស

៣ years មុន

នៅ

ថ្ងៃសៅរ៍ ៣០ មេសា ២០២២

ដោយ

ក្មេងប្រុស ២ នាក់ អាយុ ៨ ឆ្នាំ បានលង់ទឹកស្រះវត្តតុំ ស្លាប់គួរឲ្យសង្វេគនៅព្រឹកថ្ងៃទី ៣០ ខែមេសា ឆ្នាំ ២០២២ វេលាម៉ោង ១១ និង ៣០ នាទី ខណៈដល់ម៉ោងចេញពីសាលាមកផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងរងគ្រោះទី ១ ឈ្មោះ ផែង សុខនី ភេទប្រុស អាយុ ៨ ឆ្នាំ និងទី២ឈ្មោះ គី សារាត់ ភេទប្រុស អាយុ ៨ ឆ្នាំ ទាំងពីរនាក់មានទីលំនៅភូមិតុំ សង្កាត់រកាក្រៅ ក្រុងដូនកែវ ខេត្តតាកែវ។ តាមការសន្និដ្ឋានពីប្រជាពលរដ្ឋថា ក្រោយចេញពីសាលាបឋមសិក្សាតុំ ម៉ោង ១១ និង ០០ នាទី កុមារាទាំងពីរនាក់ ជិះកង់មួយឌុបគ្នាបានទៅលេងទឹក និងមើលត្រីប្រាធំៗ ត្រីក្រឹមក្នុងស្រះវត្តតុំ ហើយទំនងបែបរអិលជើងនិងកាំជណ្តើរស្រះ បណ្តាលឲ្យធ្លាក់ចូលក្នុងស្រះទឹក ហើយកុមារាម្នាក់ទៀតចុះទៅជួយតែអកុសលក៏លង់ទឹកស្លាប់ទាំងពីរនាក់តែម្តងទៅ។

ក្រោយកើតហេតុសមត្ថកិច្ច បានចុះធ្វើកំណត់ហេតុនិងពិនិត្យឃើញថា កុមារាទាំងពីរពិតជាស្លាប់ដោយលង់ទឹកប្រាដមែន និងបានប្រគាល់សពជូនក្រុមគ្រួសារ យកទៅធ្វើបុណ្យតាមប្រពៃណីនៅគេហដ្ឋាននា ភូមិតុំ សង្កាត់រកាក្រៅ ក្រុងដូនកែវ ខេត្តតាកែវ៕

អត្ថបទ៖ វីរៈ

Related Topics:លង់ទឹក