សន្តិសុខសង្គម

ភ្លៀងផ្គររន្ទះសម្លាប់មនុស្ស ៩ នាក់ក្នុងរយៈពេល ៤ ខែឆ្នាំនេះ

បានផុស

៣ years មុន

នៅ

ថ្ងៃសុក្រ ៦ ឧសភា ២០២២

ដោយ

នៅក្នុងរយៈពេល ៤ខែដើមឆ្នាំ២០២២នេះ បាតុភូតរន្ទះបាញ់បានកើតឡើងចំនួន៣២លើកបណ្តាលឱ្យមនុស្សស្លាប់ចំនួន៩នាក់ របួស៩នាក់ និងខូចខាតផ្ទះសម្បែង ១១ខ្នង ព្រមទាំងងាប់គោក្របីចំនួន២៣ក្បាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា ក្នុងចំណោមអ្នកស្លាប់ចំនួន៩នាក់មាននៅខេត្តកំពង់ស្ពឺម្នាក់ ព្រៃវែងម្នាក់ ពោធិ៍សាត់២នាក់ បាត់ដំបង២នាក់ បន្ទាយមានជ័យ២នាក់និងខេត្តកំពតម្នាក់។ ចំនួននេះបើប្រៀបធៀបរយៈពេលដូចគ្នានៅឆ្នាំ ២០២១ មានការកើនឡើង ប៉ុន្តែករណីស្លាប់ថយចុះបន្តិច។

រយៈពេល៤ខែឆ្នាំ២០២១ មានបាតុភូតរន្ទះបាញ់បានកើតឡើងចំនួន ២៤លើក បណ្តាលឲ្យមនុស្សស្លាប់ចំនួន១៨នាក់រងរបួសចំនួន៦នាក់និងងាប់គោក្របីចំនួន១៩ក្បាល។

លោក ឃុន សុខាអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានឃុនសុខាបានឱ្យដឹងទៀតថានៅឆ្នាំនេះរដូវវស្សាហាក់មានការលឿនជាងឆ្នាំមុនដោយសារការប្រែប្រួលអាកាសធាតុដែលធ្វើឱ្យមានភ្ញៀងធ្លាក់ច្រើន។

លោក ឃុន សុខាបានអះអាងថា ស្ថានភាពគ្រោះធម្មជាតិនាពេលនេះមានសភាពប្រហាក់ប្រហែលនឹងដើមឆ្នាំ២០២១កន្លងទៅដែរ ពោលគឺមិនធ្ងន់ធ្ងរពេកទេ។

លោក ឃុន សុខាបានអំពាវនាវដល់បង្អូនប្រជាពលរដ្ឋមានការប្រុងប្រយ័ត្នចំពោះខ្យល់កន្ត្រាក់និងរន្ទះបាញ់ដែលតែងតែកើតមាននៅក្នុងរដូវភ្លៀងធ្លាក់ញឹកញាប់៕

អត្ថបទ៖ សំអឿន

Related Topics:រន្ទះបាញ់