តុលាការសម្រេចឃុំខ្លួនម្ចាស់សង្វៀនជល់មាន់ស្រុកកោះធំ ក្រោយប្រើហិង្សាក្នុងកាស៊ីណូ កាឡាក់ស៊ី

នៅថ្ងៃទី០៦ ខែឧសភា ឆ្នាំ២០២២ លោក ហេង ផល្លារ ចៅក្រមស៊ើបសួរសាលាដំបូងខេត្តកណ្តាលបានសម្រេចចេញដីការឃុំខ្លួនម្ចាស់សង្វៀនជល់មាន់ស្រុកកោះធំ ដែលបានប្រើអំពើរហិង្សាលើម្ចាស់សង្វៀនជល់មាន់ស្រុកស្អាង ដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ “ហិង្សារដោយចេតនា ” តាមមាត្រា២១៧ នៃក្រមព្រហ្មទណ្ឌ ។ដែលប្រព្រឹត្តនៅចំណុចកាស៉ីណូ កាឡាក់ស៉ី ភូមិជ្រៃធំ ឃុំសំពៅពូន ស្រុកកោះធំ ខេត្តកណ្ដាល ថ្ងៃទី០៥ ខែឧសភា ឆ្នាំ២០២២ វេលាម៉ោង១៧និង៤០នាទី ។

ជនរងគ្រោះ ទី១ឈ្មោះ ស្រៀ ហុង ភេទប្រុស អាយុ៣៧ឆ្នាំ ជនជាតិខ្មែរ រស់នៅភូមិព្រែករុន ឃុំព្រែកគយ ស្រុកស្អាង ខេត្តកណ្ដាល មុខរបរ បុគ្គលិកកាស៉ីណូ ទី២ឈ្មោះ ម៉ុន វណ្ណា ភេទប្រុស អាយុ៥៩ឆ្នាំ ជនជាតិខ្មែរ រស់នៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្ដាល មុខរបរ មន្ដ្រីចូលនិវត្តន៍ ។ ជនត្រូវចោទមានឈ្មោះ ង្វៀង ប៊ិន ភេទប្រុស អាយុ៥២ឆ្នាំ ជនជាតិវៀតណាម រស់នៅភូមិឃុំកេីតហេតុ មុខរបរ បុគ្គលិកកាស៉ីណូ ។

បើតាមសមត្ថកិច្ចបានប្រាប់អោយដឹងថា មុនពេលកើតហេតុ ជនសង្ស័យ និងជនរងគ្រោះ(ស្រៀ ហុង) បានជជែកគ្នាអំពីប្រាក់ដែលជនរងគ្រោះបានឲ្យគេខ្ចីប្រាក់ចំនួន ១,០០០,០០០៛ ពួកគេជជែកគ្នាយ៉ាងខ្លាំង ឈានដល់ការប្រេីហិង្សាដាក់គ្នា ដោយជនសង្ស័យ និងបក្ខពួក ប្រហែល ៧-៨នាក់ បាននាំគ្នាទៅវាយ លេីជនរងគ្រោះទាំងពីរ នាក់ ពេលនោះបក្ខពួកខាងលេីបានវាយទៅលេីឈ្មោះ ម៉ុន វណ្ណា ជាច្រេីនដៃ ថែមទៀតផង ចំណែកឈ្មោះ ស្រៀ ហុង គេចខ្លួនរួច ។ ភ្លាមនោះឈ្មោះ ង្វៀង ប៊ិន បានគប់ទូរស័ព្ទដៃ ម៉ាក Oppo មិនចាំស៊េរី ពណ៌ស-ខ្មៅ ទៅលេីឈ្មោះ ស្រៀ ហុង ត្រូវចំស្មាខាងស្ដាំ និងបានប្រេីពាក្យសំដីគំរាមកំហែងថា អញមេនៅជ្រៃធំ “អ្ហែង(ស្រៀ ហុង) មេនៅស្រុកស្អាង កុំចង់ខ្លាំងជាមួយអញ អញចង់សម្លាប់អ្ហែងពេលណាក៏បានដែរ” ព្រ មទាំងជេរប្រមាថជាច្រេីនទៀត។

ក្រោយពេលកើតហេតុខាងលើជនរងគ្រោះបានមកដាក់ពាក្យបណ្ដឹងនៅអធិការដ្ឋាននគរបាលស្រុកកោះធំ តែម្ដង បន្ទាប់ពីបានទទួលបានពាក្យបណ្ដឹង កម្លាំងជំនាញស្រុកកោះធំ សហការជាមួួយកម្លាំងនគរបាលប៉ុស្ដិ៍សំពៅពូន បានចុះអន្តរាគមន៍ធ្វេីការឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកោះធំ ដេីម្បីចាត់ការតាមនីតិវិធីច្បាប់៕

អត្ថបទ៖ ឆៃ យ៉ា