សមត្ថកិច្ច​រុះរើផ្ទះ​ចំនួន ២ ខ្នង​ទៀត​នៅ​មុខផ្សារពន្លៃ​ ដើម្បី​សម្រួល​ការ​កសាង​ផ្លូវជាតិលេខ​ ៥

លោក ចេង ចាន់​ដូណាគណៈបញ្ជាការឯកភាព​រដ្ឋបាលស្រុក​បរិបូណ៌​នៅល្ងាចថ្ងៃទី ១១ ខែឧសភា ​ឆ្នាំ២០២២ បានដឹកនាំសមត្ថកិច្ចចម្រុះ​បន្តសហការវាយផ្ទះ២ខ្នងទៀត​នៅមុខផ្សារពន្លៃស្រុក​បរិបូណ៌​ដែលទទួលបានប្រាក់ដោះស្រាយគោលនយោបាយពីអន្តរក្រសួងរួចហើយតែមិនព្រមរុះរើ​ផ្ទះប៉ះ​ពាល់​ដល់ការសាងសង់ផ្លូវជាតិលេខ៥។

​លោក ចេង ចាន់ដូណា​បានឲ្យដឹងថា ផ្ទះប្រជាពលរដ្ឋដែលរឹងរុសមិន​ព្រមគោរពកិច្ចសន្យា​ជាមួយ​អន្តរ​ក្រសួងក្រោយពីបានទទួលថវិកាដោះស្រាយផលប៉ះពាល់ក្នុងការកសាង​ផ្លូវជាតិលេខ ៥ នេះ​មានចំនួន០៥ ខ្នង។ ​

ដោយឡែក រដ្ឋបាលស្រុក​បានធ្វើការណែនាំអប់រំជាច្រើនលើក​នៅតែមិន​ស្ម័គ្រ​ចិត្ត​រុះរើផ្ទះចេញនោះទើបកាលពីសប្តាហ៍មុន ក្រុមសមត្ថកិច្ចចម្រុះថ្នាក់ខេត្ត និងថ្នាក់ស្រុកបាន​ប្រើ​ប្រាស់​វិធានការរដ្ឋបាលសហការជាមួយក្រុមហ៊ុនកសាងផ្លូវជាតិ​លេខ ៥ វាយកម្ទេចរុះរើរួចរាល់អស់ ២ ខ្នង និងនៅ ៣ ខ្នងទៀតកំពុងបន្តវាយកម្ទេចចោលឲ្យរួចរាល់នៅក្នុងសប្តាហ៍នេះ ដើម្បីទុក​លទ្ធ​ភាពឲ្យក្រុងហ៊ុនជប៉ុនបន្តការកសាងផ្លូវជាតិលេខ៥ទៅតាមផែនការរបស់ប្រមុខរាជរដ្ឋាភិ​បាល​កម្ពុជា។

គួរបញ្ជាក់ថាផ្លូវជាតិលេខ៥ពីខេត្ត កណ្តាលទៅដល់ខេត្តបាត់ដំបងគឺ​ក្រោមការដឹកនាំដ៏ឈ្លាស​វៃ​របស់​ប្រមុខរាជរដ្ឋាភិបាល ត្រូវបានជួសជុលកសាងដោយក្រុមហ៊ុនជប៉ុនឲ្យក្លាយ​ទៅជាផ្លូវអាស៊ាន​មានទទឹងធំអាចបើកបររថយន្តទៅមកបានដោ យងាយស្រួល ស្របតាមការរីកច ម្រើនរបស់​ប្រទេស​ជាតិ បើតាមគម្រោងផ្លូវជាតិលេខ ៥ នេះនឹងត្រូវបញ្ចប់ការកសាងនៅចុងឆ្នាំ២០២២។

ការជួសជុលកសាងផ្លូវជាតិលេខ ៥ ខាងលើនេះពិតជាធ្វើឲ្យប្រ ជាពលរដ្ឋមានការគាំទ្រ​និងរីករាយ​សប្បាយចិត្តយ៉ាងខ្លាំងផងដែរ។ព្រោះរាល់ផលប៉ះពាល់ដីស្រែ និងផ្ទះសម្បែងនានារបស់ប្រជាពលរដ្ឋដើម្បីកសាងផ្លូវជាតិនេះ គឺក្រុម​ការ ងារអន្តរក្រសួងសុទ្ធតែបានសិក្សាផ្ដល់សំណងយ៉ាងសមរម្យ។

ទោះបីយ៉ាងនេះក៏ដោយក៏នៅមានប្រជាពលរដ្ឋមួយចំនួនតូច តែប៉ុណ្ណោះដែលបាន​ទទួលថវិកា​ដោះ​ស្រាយផលផលប៉ះពាល់ហើយមានការរឹងរុសមិនព្រមឬផ្ទះនិងឬឥវ៉ាន់ចេញ ដែលចុងក្រោយ​គឺ​ត្រូវតែអនុវត្តវិធានការរដ្ឋបាល៕

អត្ថបទ៖ឈៀងថារិទ្ធ