សន្តិសុខសង្គម

ភ្លៀងធ្លាក់លាយដោយខ្យល់កន្ត្រាក់ រលំដើមឈើសង្កត់រថយន្ត១គ្រឿង ខូចខាតធ្ងន់ធ្ងរ

បានផុស

៣ years មុន

នៅ

ថ្ងៃពុធ ២៥ ឧសភា ២០២២

ដោយ

ភ្នំពេញ ៖ រថយន្តមួយគ្រឿងបានទទួលរងការខួចខាតយ៉ាងធ្ងន់ធ្ងរ ក្រោយពីមានភ្លៀងធ្លាក់លាយដោយខ្យល់កន្ត្រាក់ នាព្រលប់ថ្ងៃ២៥ ឧសភាឆ្នាំ២០២២នេះ នៅមុខផ្ទះលេខ៨៣០ ផ្លូវលេខ១២៨ ភូមិ៣ ក្នុងសង្កាត់ទឹកល្អក់ទី១ ខណ្ឌទួលគោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាលសង្កាត់ទឹកល្អក់ទី១ បានឲ្យដឹងថា នៅថ្ងៃទី២៥ ខែឧសភា ឆ្នាំ២០២២ វេលាម៉ោង៦និង០៨នាទី មានករណីខ្យល់កន្ត្រាក់ដោយបានធ្វើឲ្យរលំដើមឈើមួយដើម នៅមុខផ្ទះលេខ៨៣០ ផ្លូវលេខ១២៨ ភូមិ៣ ក្នុងសង្កាត់ទឹកល្អក់ទី១ និងបានបណ្តាលឲ្យឡានមួយគ្រឿង ម៉ាកvitaដែលមានស្លាកលេខភ្នំពេញ 2BK.2865 ទទួលរងការខូចខាតមួយកំណាត់ក្រោយ ប៉ុន្តែសំណាងល្អមិនបណ្តាលឲ្យមានមនុស្សណាម្នាក់ទទួលរងគ្រោះថ្នាក់ឡើយ។

ក្រោយពេលកើតហេតុ មន្ទីរសាធារណការនិងដឹកជញ្ជូនរាជធានីភ្នំពេញនិងការិយាល័យសាធារណការខណ្ឌបានសហការជាមួយរដ្ឋបាលសង្កាត់ទឹកល្អក់ទី១ ប្រើម៉ាស៊ីន កាត់ដើមឈើចេញភ្លាមដែរ៕

ដោយ ៖ ស្រីរ័ត្ន