រន្ទះបាញ់​សម្លាប់គោ ៥ ក្បាល នៅ​បន្ទាយមានជ័យ

សត្វគោចំនួន ៥ ក្បាលត្រូវរន្ទះបាញ់ងាប់នៅនឹងកន្លែង គ្រានដែលម្ចាស់គោយកទៅចងក្រោមដើមឈើ ពេលភ្លៀងកំពុងធ្លាក់ ស្រាប់តែរន្ទះបាញ់សត្វគោងាប់៥ក្បាល នៅកន្លែងតែម្តង។ ហេតុការណ៍នេះបានកើតឡើងនៅវេលាម៉ោង ៣៖៤០នាទីរសៀលថ្ងៃទី៣១ ខែឧសភា ឆ្នាំ ២០២២ នៅភូមិកាប់ចោរ ភូមិថ្មី ឃុំថ្មី ស្រុកថ្មពួក ខេត្តបន្ទាយមានជ័យ។

​នគរបាលបានស្រុកថ្មពួកបានប្រាប់អ្នកយកព័ត៍មានឲ្យដឹងថា​ សត្វគោចំនួន៥ក្បាល​ បានងាប់ដោយសារត្រូវរន្ទះបាញ់។ បុរសជាម្ចាស់គោ ឈ្មោះ គត់ សេងគី អាយុ ៣៧ ឆ្នាំរស់ភូមិថ្មី ឃុំថ្មីស្រុកថ្មពួក ខេត្តបន្ទាយមានជ័យបានប្រាប់សត្ថកិច្ចឲ្យដឹងថា មុនពេលកើតហេតុនោះ គាត់បានយកគោរបស់គាត់ ចំនួន៤ ក្បាលមេទាំងអស់និង ម្ចាស់គោ ឈ្មោះគុន កន ភេទប្រុស អាយុ​៤០ឆ្នាំ យកគោរបស់គាត់ ចំនួន១ ក្បាលញី យកទៅមើលនៅចំណុចកើតហេតុពេល​មេញកំពុង​ក្តៅ​ខ្លាំង​ក៏យកគោទៅចងឲ្យស៊ីស្មៅនៅខាងលិចភូមិ ក្រោមដើមឈើ ស្របពេលនោះក៏មាន​ភ្លៀងធ្លាក់​យ៉ាងខ្លាំង លាយឡំជាមួយ​និងខ្យល់ផ្គររន្ទះ បានបាញ់សត្វគោទាំង៥ក្បាល នោះងាប់តែម្តងនៅ​ក្រោម​ដើមឈើ ចំពោះមនុស្សពុំមានគ្រឿថ្នាក់អ្វីនោះទេ។

ទាក់ទិននឹងរន្ទះបាញ់ដត្វគោស្លាប់នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត​បន្ទាយមានជ័យ បានអំពាវនាវដល់ប្រជាពលរដ្ឋទាំងអស់ឲ្យមានការប្រុងប្រយ័ត្នខ្ពស់ ព្រោះនេះជា​រដូវ វស្សា បើទៅធ្វើស្រែ ចម្ការ ឃើញមេឃរកកលនឹងភ្លៀង ត្រូវរត់រកទីកន្លែងដែលមានសុវត្ថិភាព ព្រោះមានភ្លៀងភាគច្រើនគឺលាយឡំជាមួយខ្យល់និងផ្គររន្ទះអាចបាញ់មនុស្សស្លាប់ដោយមើលពុំឃើញឡើយ៕

អត្ថបទ៖ វ៉ាន់ ណាង