សន្តិសុខសង្គម

អាជ្ញាធរច្បារអំពៅចុះរុះរើរោងអនាធិបតេយ្យក្រោមស្ពានព្រះមុនីវង្ស

បានផុស

៣ years មុន

នៅ

ថ្ងៃចន្ទ ៦ មិថុនា ២០២២

ដោយ

នៅព្រឹកថ្ងៃទី ៦ ខែមិថុនានេះ លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានបញ្ជាឲ្យលោក ពៅ ហួត ចៅ សង្កាត់ច្បារអំពៅទី១ និងលោក យ៉ិន វុធ ចៅសង្កាត់ច្បារអំពៅទី២ ឲ្យដឹកនាំកម្លាំងចុះទៅរុះរើរោងអនាធិបតេយ្យដែលមានក្មេងអនាថាដេកស្នាក់នៅក្រោមស្ពានព្រះមុនីវង្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ ហួត ចៅសង្កាត់ច្បារអំពៅទី១បានឲ្យដឹងថា អាជ្ញាធរទាំង២ពីរសង្កាត់បានចុះរុះរើរោង និងតង់ស្ថិតក្រោមស្ពានព្រះមុនីវង្សចាស់ ថ្មី ទាំងអស់ដោយមិនអនុញាតឲ្យមកស្នាក់នៅបែបអនាធិបតេយ្យដូច្នេះទៀតឡើយ។

លោក ពៅ ហួត បានបន្ថែមថា អ្នមករស់នៅក្រោមស្ពាននេះភាគច្រើនជាក្មេងអនាថា ដែលគេចពីផ្ទះមករស់នៅក្រោមស្ពាននឹងតាមទីកន្លែងចល័តដែលពួកគេអាចរស់នៅបាន ហើយពួកគេរស់នៅចល័តគ្មានទីជំរកច្បាស់លាស់ឡើយ។

ចំពោះសំណង់មិនរៀបរយដែលពួកគេមករស់នៅគឺមានតែគ្រែកញ្ចាស់នឹងតង់រហែកចាស់ៗប៉ុណ្ណោះ។ ហើយក្មេងៗទាំងនេះមិនដឹងមកពីខាងណាទេ ពិសេសជាក្មេងដែលម្តាយឪពុកបំបោះបង់ចោល។

ក្នុងនោះលោកចៅសង្កាត់ក៏សំណូមពរដល់មន្ទីរសង្គមកិច្ចរាជធានីភ្នំពេញសូមចុះមកប្រមូលយកក្មេងៗដែលគ្មានអ្នកគ្រប់គ្រងឲ្យទៅរស់នៅរៀនសូត្រក្នុងមជ្ឈមណ្ឌលដើម្បីឲ្យពួកគេមានអនាគតតទៅមុខ។ បើទុកបែបនេះពេលពួកគេធំឡើងក្លាយជាជនអនពាលជាក់ជាពុំខានឡើយ៕