សន្តិសុខសង្គម

នគរបាលក្រុងប៉ៃលិន ឃាត់ខ្លួនអ្នកកត់កន្ទុយលេខ៣នាក់ នៅទីតាំងផ្សេងគ្នា

បានផុស

៣ years មុន

នៅ

ថ្ងៃចន្ទ ១៣ មិថុនា ២០២២

ដោយ

ប៉ៃលិន ៖ កាលពីវេលាម៉ោង៣រសៀលថ្ងៃទី១៣ ខែមិថុនា ឆ្នាំ២០២២ កម្លាំងសមត្ថកិច្ចនគរបាលក្រុងប៉ៃលិន ក្រោមការសម្របសម្រួលនីតិវិធីពីលោក ជា សា ព្រះរាជអាជ្ញារងអមសាលាដំបូងខេត្តប៉ៃលិន និងមាន ការចូលរួមពីលោក ហ៊ី ថៃផេង ក្រឡាបញ្ជី បានបញ្ជាកម្លាំងសមត្ថកិច្ចនគរបាលក្រុងប៉ៃលិន ចុះបង្ក្រាបល្បែងកត់កន្ទុយលេខចំនួន៣ទីតាំងផ្សេងគ្នា ក្នុងក្រុងប៉ៃលិន ដោយឃាត់ខ្លួនជនសង្ស័យភេទស្រី ចំនួន៣នាក់ ព្រមទាំងវត្ថុតាងបទល្មើសមួយចំនួនធំផងដែរ។

តាមប្រភពព័ត៌មានពីសមត្ថកិច្ចនគរបាលក្រុងប៉ៃលិន សុំមិនបញ្ចេញឈ្មោះ បានឲ្យដឹងថា ទីតាំង ដែលសមត្ថកិច្ចចុះអនុវត្តន៍ការងារជាក់ស្តែងស្ថិតក្នុងសង្កាត់ប៉ៃលិន ចំណុចផ្សារជាងអូន ក្នុងភូមិប៉ាហ៊ីត្បូង សង្កាត់/ក្រុង/ខេត្តប៉ៃលិន នាំខ្លួនអ្នកកត់កន្ទុយលេខចំនួន០២នាក់ស្រី មានឈ្មោះ៖

ទី១.ឈ្មោះ ឈីវ ហ៊ុច ភេទស្រី អាយុ៤៤ឆ្នាំ ជនជាតិខ្មែរ សញ្ជាតិខ្មែរ រស់នៅភូមិប៉ាហ៊ីត្បូង សង្កាត់/ ក្រុង/ ខេត្តប៉ៃលិន ដកហូតវត្ថុតាង៖ ១-សៀវភៅកត់ឆ្នោតចំនួន០៧ក្បាល

២-ម៉ាស៊ីនគិតលេខចំនួន០១គ្រឿង

៣-បន្ទាត់ចំនួន០២ និង ប៊ិចចំនួន០៣ដើម

៤-ប្រាក់បាតចំនួន ១,០០០បាត

៥-ប្រាក់រៀល ១១០,០០០រៀល និងប្រាក់ដុល្លារ២១ដុល្លារ។ទី២.ឈ្មោះ យឹម ស្រីអូន ភេទស្រី អាយុ៣៩ឆ្នាំ ជនជាតិខ្មែរ សញ្ជាតិខ្មែរ រស់នៅភូមិចំការកាហ្វេ សង្កាត់ទួលល្វា ក្រុង/ខេត្តប៉ៃលិន ដកហូតវត្ថុតាង៖

១-សៀវភៅសម្រាប់កត់ឆ្នោតចំនួន០២ក្បាល

២-ទូរស័ព្ទដៃចំនួន០១គ្រឿងម៉ាកoppo

៣-ប៊ិកចំនួន០៣ដើម,បន្ទាត់ចំនួន០១ដើម

៤-ប្រាក់រៀលចំនួន ៦៦,០០០រៀល។ ប្រភពព័ត៌មាន បានបន្តថា ទីតាំងក្នុងសង្កាត់ទួលល្វា ចំណុចផ្សារអូរច្រា ភូមិអូរច្រាកណ្តាល សង្កាត់ទួលល្វា ក្រុង/ខេត្តប៉ៃលិន នាំខ្លួនអ្នកកត់កន្ទុយលេខចំនួន០១នាក់ឈ្មោះ ឌឿក រំដួល ភេទស្រី អាយុ៣៥ឆ្នាំ មុខរបរអាជីវករ រស់នៅភូមិអូរច្រាកណ្តាល សង្កាត់ទួលល្វាក្រុង/ខេត្តប៉ៃលិន ដកហូតវត្ថុតាង៖

១-សៀវភៅកត់ឆ្នោតចំនួន០៣ក្បាល

២-ប្រាក់បាតចំនួន១,០៧០បាត ប្រាក់រៀលចំនួន១០៥,០០០រៀល

៣-ក្រដាសផ្តានចំនួន០១សន្លឹក។

ប្រភពព័ត៌មាន ក៏បានបញ្ជាក់ផងដែរថា សម្ភារៈដកហូតសរុបការរួមមាន៖

១-សៀវភៅកត់ឆ្នោតចំនួន ១២ក្បាល

២-ម៉ាស៊ីនគិតលេខចំនួន០១គ្រឿង

៣-បន្ទាត់ចំនួន០៣ និង ប៊ិចចំនួន០៦ដើម ក្រដាសផ្តាន០១សន្លឹក

៤-ទូរស័ព្ទដៃម៉ាកoppo ចំនួន០១គ្រឿង

៥-ប្រាក់បាតចំនួន ២,០៧០បាត

៦-ប្រាក់រៀល ២៨១,០០០រៀល និងប្រាក់ដុល្លា២១ដុល្លាផងដែរ។

បច្ចុប្បន្នជនសង្ស័យខាងលើ ត្រូវបានកម្លាំងសមត្ថកិច្ចនគរបាល រៀបចំសំណុំរឿងចាត់ការតាមនីតិវិធី៕

អត្ថបទ ៖ សេង សុវណ្ណារិទ្ធ