នគរបាលក្រុងតាខ្មៅ ចុះបង្ក្រាបទីតាំងល្បែងជល់មាន់តាមអនឡាញ ឃាត់ខ្លួនមនុស្ស១៦នាក់

កម្លាំងចម្រុះ នៃអធិការដ្ឋាននគរបាលក្រុងតាខ្មៅ ឆ្មក់បង្រ្កាបទីតាំងមួយកន្លែងសង្ស័យពាក់ព័ន្ធករណីល្បែងស៊ីសងខុសច្បាប់ (ជល់មាន់អនឡាញ) ដែលជ្រកក្រោមស្លាកអាហារដ្ឋាន “សុខុមប្រជុំមិត្ត” ដោយឃាត់មនុស្ស១៦នាក់ និងម៉ូតូជាច្រេីនគ្រឿង។

ហេតុការណ៍នេះធ្វើឡើងនៅតាមផ្លូវ១១១ (មាត់ទន្លេក្រុងតាខ្មៅ) ក្នុងអាហារដ្ឋាន សុខុមប្រជុំមិត្ត ស្ថិតនៅភូមិព្រែកសំរោង សង្កាត់តាខ្មៅ ក្រុងតាខ្មៅ នារសៀលថ្ងៃទី១៦ ខែមិថុនា ឆ្នាំ២០២២។

លោកវរសេនីយ៍ឯក ឡាក់ ម៉េងធី ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តកណ្តាល បានប្រាប់ឲ្យដឹងថា មនុស្ស១៦នាក់ ដែលត្រូវបានឃាត់ខ្លួន កម្លាំងជំនាញកំពុងធ្វើការសាកសួរ និងចាត់ការបន្តរតាមនិតិវិធីច្បាប់៕

អត្ថបទ៖ ឆៃ យ៉ា