សន្តិសុខសង្គម

ដាក់ដែកបាំងចន្លោះបាក់បង្កាន់ដៃស្ពានបន្ទាប់ពីតាក់ស៊ីបុកបំបាក់

បានផុស

៣ years មុន

នៅ

ថ្ងៃចន្ទ ២០ មិថុនា ២០២២

ដោយ

ដោយបារម្មខ្លាចគ្រោះថ្នាក់ដល់អ្នកដំណើ ពិសេសអ្នកថ្មើជើងឆ្លងកាត់ស្ពានព្រះមុនីវង្សចាស់នោះមន្ត្រីជំនាញបានសម្រេចយកដែកមកដាក់ជារនាំងនៅចន្លោះដែលបាក់ដោយសាររថយន្តតាក់ស៊ីបុកបំផ្លាញកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពពីលោក ជូ ចាន់នី ជំនួយការចៅសង្កាត់ច្បារអំពៅទី២បានប្រាប់កម្ពុជាថ្មីថា កាលពីថ្ងៃទី១៩ ខែមិថុនាម្សិលមិញមានក្រុមជំនាញបានមកវាស់នឹងស្វានដាក់បង្កាន់ដៃស្ពានព្រះមុនីវង្សចាស់។

លោក ជូ ចាន់នី បានបន្តថា ករណីរថយន្តតាក់ស៊ីបុកបង្កាន់ដៃស្ពាននេះគឺស្ថិតក្នុងទឹកដីសង្កាត់ទន្លេបាសាក់ព្រំប្រទល់សង្កាត់ច្បារអំពៅទី២ហើយមិនដឹងថានៅពេលណាទើបជួសជុលបង្កាន់ដៃស្ពាននេះរួចរាល់នោះទេ។ ចំពោះថ្លៃសំណងទៅលើការខូចខាតបង្កាន់ដៃស្ពាននេះគឺមានតែមន្ទីរសាធារណការសាលារាជធានីភ្នំពេញទេទើបដឹង។

ដោយឡែកបងប្អូនប្រជាពលរដ្ឋដែលលោកតែងនាំគ្នាដើរហាត់ប្រាណតាមចិញ្ចើមស្ពានព្រះមុនីវង្សចាស់នេះបានសំណូមពរដល់មន្ត្រីជំនាញជួយពន្លឿនការជួសជុលឲ្យបានលឿនដើម្បីឲ្យបងប្អូនអ្នកដើរហាត់ប្រាណបានដើរព្រោះពួកគាត់មិនហ៊ានចុះពីចិញ្ចើមដើរលើទ្រូងស្ពានដោយខ្លាចគ្រោះថ្នាក់រថយន្តបុក។

ពួកគេសង្ឃឹមថាក្រុមអ្នកជំនាញនឹងពន្លឿនការងារឲ្យបានឆាប់ ព្រោះចាប់តាំងពីរថយន្តតាក់ស៊ីបុកពីថ្ងៃទី១១ខែមិថុនារហូតមកដល់ថ្ងៃទី២០ខែមិថុនារយះពេល១០ថ្ងៃទៅហើយ៕