សន្តិសុខសង្គម

ភ្លៀងលាយឡំនិងខ្យល់កន្ត្រាក់ ធ្វើឲ្យបាក់ដើមឈើដ៏ធំ១ដើម សង្កត់រថយន្តដឹកភ្ញៀវទេសចរមួយគ្រឿងនៅមុខប្រាសាទប្រែរូប

បានផុស

៣ years មុន

នៅ

ថ្ងៃចន្ទ ២០ មិថុនា ២០២២

ដោយ

សៀមរាប ៖ សមត្ថកិច្ចបានឲ្យដឹងថា ភ្លៀងលាយឡំនិងខ្យល់កន្ត្រាក់ធ្វើឲ្យបាក់ដើមឈើដ៏ធំ១ដើមសង្កត់រថយន្តដឹកភ្ញៀវទេសចរមួយគ្រឿងធ្វើឲ្យភ្ញៀវភ្នែកសព្រាតរត់ចេញពីឡាន។ ហេតុការណ៍នេះបានកើតឡើងនៅវេលាម៉ោង១៧ និង១០ នាទីថ្ងៃទី២០ខែមិថុនាឆ្នាំ២០២២នៅចំណុចប្រាសាទប្រែរូប ស្ថិតក្នុងភូមិស្រះស្រង់ខាងជើង សង្កាត់នគរធំ ក្រុងសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ដាចំរើន អធិការនគរបាលក្រុងសៀមរាប បានឲ្យដឹងថា មានករណីបាក់ដើមក្រឡាញ់ សង្កត់រថយន្តចំនួន ០១គ្រឿងម៉ាកHiyondai ពាក់ផ្លាកលេខសៀមរាប 2B-0061 ពណ៌ខ្មៅ ប្រភេទ១២កៅអី ចំនួន ០១គ្រឿង បើកបរដោយឈ្មោះ សោម ចាន់ថា ភេទប្រុស អាយុ៣៧ឆ្នាំ រស់នៅភូមិអូរទទឹង ឃុំព្រះដាក់ ស្រុកបន្ទាយស្រី ខេត្តសៀមរាប។

លោកបន្តថា នៅក្នុងឡានមានភ្ញៀវទេសចរជិះ ចំនួន០៦នាក់/ស្រី០៤នាក់ ជនជាតិអាមេរិក៤នាក់ស្រី៤នាក់ និងជនជាតិខ្មែរ២នាក់ប្រុស២នាក់។ លោកបញ្ជាក់ថា ករណីគ្រោះថ្នាក់ខាងលើនេះគ្មានគ្រោះថ្នាក់អ្នកជិះនិងអ្នកបើកបរឡើយ តែខូចខាតឡានផ្នែកខាងមុខទាំងស្រុង។ បច្ចុប្បន្នសមត្ថកិច្ចជំនាញកំពុងកាត់ដើមឈើដើម្បីយករថយន្តនោះចេញពីផ្លូវ ហើយភ្ញៀវក៏ត្រូវបានដឹកទៅសណ្ឋាគារដោយសុវត្ថិភាពផងដែរ៕

ដោយ ៖ កុសល