ខ្យល់កន្ត្រាក់​ និងផ្គររន្ទះបំផ្លាញផ្ទះពលរដ្ឋ១៦ខ្នង និងងាប់សត្វគោមួយក្បាល នៅស្រុកមោងឫស្សី

លំនៅឋានប្រជាពលរដ្ឋចំនួន១៦ខ្នង ត្រូវបានខ្យល់កន្ត្រាក់វាយបំផ្លាញស្ទើរទាំងស្រុង ព្រមទាំមានរន្ទះបាញ់សម្លាប់សត្វគោ១ក្បាលផងដែរ ខណ:មេឃកំពុងភ្លៀងធ្លាក់ខ្លាំង។

ហេតុការណ៍គ្រោះធម្មជាតិនេះ បានកើតឡើងនៅវេលាម៉ោង៣និង៣០នាទីរសៀល ថ្ងៃទី២១ ខែមិថុនា ឆ្នាំ២០២២ ស្ថិតនៅក្នុងស្រុកមោងឫស្សី ខេត្តបាត់ដំបង។

នៅមុនពេលកើតហេតុ គឺមានភ្លៀងធ្លាក់មួយមេយ៉ាងខ្លាំង និងមានលាយខ្យល់កន្ត្រាក់មកជាមួយផង ដោយបោកបក់ចូលទៅលើឃុំចំនួន២ ក្នុងស្រុកមោងឫស្សី បណ្តាលឲ្យខូចខាតផ្ទះចំនួន១៦ខ្នង ។ ១-ឃុំព្រៃស្វាយ ខូចខាតផ្ទះចំនួន១០ខ្នង ( ក្នុងនោះក៏មានសាលារៀន១ខ្នង និងធ្លាក់ពីលើជើងតាង ១ខ្នង)។ ២.ឃុំគារ ខូចខាតផ្ទះចំនួន៦ខ្នងស្ទើរទាំងស្រុង ក្នុងនោះក៏មានរន្ទះបាញ់កើតឡើងចំនួន ០១លើក បណ្តាលឲ្យងាប់គោចំនួន ០១ក្បាលផងដែរ ៕

អត្ថបទ៖ សោ និយមរ័ត្ន