Connect with us

សន្តិសុខសង្គម

​ភ្លៀងធ្លាក់​​ប៉ុន្មាន​ថ្ងៃជាប់គ្នា ស្រុកមួយចំនួន​ក្នុង​ខេត្ត​បាត់ដំបង​ ប៉ះពាល់​ខូចខាតផ្ទះជាច្រើនខ្នង

បានផុស

នៅ

ជាច្រើនថ្ងៃកន្លងមកនេះក្នុងភូមិសាស្ត្រខេត្តបាត់ដំបង មាន​ធ្លាក់ភ្លៀងលាយឡំខ្យល់កន្ត្រាក់និងផ្គររន្ទះជាបន្តបន្ទាប់ជាប់ៗគ្នារាល់ថ្ងៃទាំងក្នុងខេត្តនិងតាមបណ្តាស្រុកផ្សេងៗ បង្កឲ្យស្រុកមួយចំនួនរងផលប៉ះពាល់ដល់លំនៅដ្ឋានជាច្រើនខ្នងក្នុងនោះ ក៏មានសត្វគោអ្នកស្រុក១ក្បាលផងត្រូវបានរន្ទះបាញ់ តែមិនទាន់បង្កឲ្យមានមនុស្សណាម្នាក់រងគ្រោះនៅឡើយ។

ស្រុកដែលរងផលប៉ះពាល់ពីគ្រោះធម្មជាតិមកដល់ពេលនេះមាន ២ ស្រុកគឺ ស្រុករុក្ខគីរី កាលពីល្ងាចថ្ងៃទី២០ខែមិថុនាឆ្នាំ២០២២ មានករណីគ្រោះធម្មជាតិមួយបានកើតឡើង បានបំផ្លាញផ្ទះប្រជាពលរដ្ឋចំនួន២០ខ្នង ដោយសារខ្យល់កន្ត្រាក់​បោកបក់ខ្លាំងស្របជាមួយទឹកភ្លៀង ដែលបានធ្លាក់យ៉ាងជោគជាំលើភូមិសាស្ត្រស្រុក រុក្ខគីរី ទើបបង្កឲ្យមាន​ផល​ប៉ះពាល់​ដល់លំនៅដ្ឋាន ប្រជាពលរដ្ឋជាច្រើនខ្នងបានរងគ្រោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍ពីអាជ្ញាធរស្រុកបានបង្ហាញថា ខ្យល់កន្ត្រាក់បានបក់បោកគ្របដណ្តប់ទៅលើឃុំចំនួន ២ក្នុងស្រុករុក្ខគិរី គឺ ឃុំស្តុកប្រវឹក និងឃុំមុខរាហ៍ បណ្តាល​ឲ្យ​របើកដំបូលផ្ទះប្រជាពលរដ្ឋ និងខូចខាតសរុបចំនួន ២០ ខ្នង ដោយមិនបានបង្ក​ឲ្យ​មានការគ្រោះថ្នាក់ដល់មនុស្សណាម្នាក់នោះឡើយ។

ចំណែកស្រុកមោងឫស្សី លំនៅឋានប្រជាពលរដ្ឋចំនួន ១៦ ខ្នង ត្រូវបានខ្យល់កន្ត្រាក់វាយបំផ្លាញស្ទើរទាំងស្រុងព្រមទាំងមាន រន្ទះបាញ់សម្លាប់សត្វគោ១ក្បាលផងខណ:មេឃកំពុងភ្លៀងធ្លាក់ខ្លាំងកាលពីវេលាម៉ោង៣និង៣០នាទីរសៀល ថ្ងៃទី២១ខែមិ ថុនា ឆ្នាំ២០២២ ។

ដោយខ្យល់កន្ត្រាក់បានបោកបក់ទៅលើឃុំចំនួន២ ក្នុងស្រុកមោងឫស្សី រួមមាន ឃុំព្រៃស្វាយ ខូចខាតផ្ទះចំនួន១០ខ្នង ក្នុងនោះក៏មានសាលារៀន១ខ្នងផង និង ឃុំគារ ខូចខាតផ្ទះចំនួន៦ខ្នងស្ទើរទាំងស្រុង ក្នុងនោះក៏មានសត្វគោ១ក្បាល ងាប់ដោយសារន្ទះបាញ់ផងដែរ។

មន្ត្រីជំនាញប្រាប់ថា រហូតដល់ថ្ងៃនេះខេត្តបាត់ដំបង អាច​បន្តធ្លាក់ភ្លៀងទៀតខណះអាជ្ញាធរមូលដ្ឋានតាមស្រុកបានអំពាវនាវដល់ប្រជាពលរដ្ឋឲ្យមានការប្រុងប្រយ័ត្នចំពោះកូនតូចៗ ក៏ដូចជាអាណាព្យាបាលផង ពេលដែលមានភ្លៀងធ្លាក់ហើយលាយឡំខ្យល់កន្ត្រាក់បោកបក់ខ្លាំងរួមនិងមានផ្គររន្ទះផង ត្រូវចូលក្នុងផ្ទះដោយមិនឲ្យប៉ះពាល់ជាតិដែកឡើយ​ជៀសវាង​គ្រោះថ្នាក់ដោយយថាហេតុ តាមរយះគ្រោះធម្មជាតិខាងលើនេះ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ក្រសួងការងារ គាំទ្រ​កិច្ចការគាំពារ និង​ការ​អភិវឌ្ឍ​ជំនាញ សម្រាប់​ពលករ​ទេសន្តរប្រវេសន៍កម្ពុជា ជាមួយអង្គការ IOM និង​ទីភ្នាក់ងារ​ស្វីស (SDC)

ព័ត៌មានជាតិ៨ ម៉ោង មុន

សំណង់​ទ្វារ​ទឹកព្រែកតាយី ដែលមានលទ្ធភាព​ស្តុក​ទឹក​ជាង​៤០ម៉ឺនម៉ែត្រគូប នឹង​បើកការដ្ឋានសាងសង់នៅថ្ងៃទី១៩ មីនា ២០២៥នេះ

ព័ត៌មានជាតិ៩ ម៉ោង មុន

លោកនេត្រ ភក្ត្រា ជួប​ប្រជុំ​ជា​មួយ លោក ជា វ៉ាន់ដេត ដើម្បី​ពិនិត្យ​និង​ពិភាក្សា​លើ​សេចក្តីព្រាងអនុក្រឹត្យ​ស្តី​ពី​ការ​រៀបចំ​ និង​ការ​ប្រព្រឹត្ត​ទៅ​នៃក្រសួងព័ត៌មាន

ព័ត៌មានជាតិ១០ ម៉ោង មុន

អ្នក​នាំ​ពាក្យ​ក្រសួង​ការងារ ៖ ​រាជរដ្ឋាភិបាល​ តែងតែ​គាំទ្រ​លើកស្ទួយ​យក​ចិត្ត​ទុកដាក់​ខ្ពស់​ចំពោះ​ជន​មាន​ពិការភាព​

ព័ត៌មានជាតិ១០ ម៉ោង មុន

ព្រះ​ខ័ន​រាជ​ស្វាយរៀង បង្កើត​កំណត់​ត្រា​ថ្មី ឡើង​វគ្គ​៤​ក្រុមពានក្លិប​អាស៊ីកម្រិតទី​៣

Sokha Hotels

ព័ត៌មានពេញនិយម