សន្តិសុខសង្គម

បុរសម្នាក់មិនពាក់មួកសុវត្ថិភាព ត្រូវសមត្ថកិច្ចអប់រំណែនាំមិនស្តាប់ ថែមទាំងយកខ្សែក្រវាត់វាយសមត្ថកិច្ច

បានផុស

៣ years មុន

នៅ

ថ្ងៃចន្ទ ២៧ មិថុនា ២០២២

ដោយ

ភ្នំពេញ ៖ បុរសម្នាក់មិនពាក់មួកសុវត្ថិភាព ត្រូវសមត្ថកិច្ចនគរបាលចរាចរណ៍ធ្វើការឃាត់ខ្លួនអប់រំ ហើយមិនព្រមស្តាប់ទេ ថែមទាំងយកខ្សែក្រវាត់វាយមកលើសមត្ថកិច្ចទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសមត្ថកិច្ចបានឲ្យដឹងថា ជនប្រព្រឹត្តអំពើហិង្សាលើសមត្ថកិច្ចនគរបាលចរាចរណ៍នេះ មានឈ្មោះថា ប៊ូ សុខមាន មុខរបរកម្មករសំណង់ ជិះម៉ូតូម៉ាកហុងដាសេ១២៥ ពាក់ផ្លាកលេខព្រៃវែង-៥៤០១៣ ដោយមិនបានពាក់មួកសុវត្ថិភាព ក៏ត្រូវសមត្ថកិច្ចនគរបាលធ្វើការឃាត់ខ្លួនយកមកអប់រំ បែរជាមិនស្តាប់តាមការណែនាំរបស់សមត្ថកិច្ច ថែមទាំងជេរប្រមាថមើលងាយ និងយកខ្សែក្រវាត់វាយចំមកលើសមត្ថកិច្ចថែមទៀតផង។

ហេតុការណ៍នេះកើតឡើង នាថ្ងៃទី២៧ ខែមិថុនា ឆ្នាំ២០២២ នៅចំណុចគោលដៅត្រួតពិនិត្យអនុវត្តច្បាប់ចរាចរណ៍ ស្តុប ស្ពានដែក ចំការដូង តាមបណ្ដោយផ្លូវលេខ២១៧ មូលដ្ឋាន ខណ្ឌដង្កៅ រាជធានីភ្នំពេញ វេលាម៉ោងប្រមាណ៣រសៀល។

ក្រោយកើតហេតុ មន្ត្រីនៅគោលដៅអនុវត្តច្បាប់ក៏ធ្វើការឃាត់ខ្លួន ដើម្បីយកមកធ្វើការសួរនាំនៅការិយាល័យចរាចរណ៍ នៃស្នងការដ្ឋាននគរបាលរាជធានីភ្នំពេញ ដើម្បីកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ចាត់ការបន្តតាមនីតិវិធី៕

កែសម្រួលដោយ ៖ នាគព័ន្ធ