រថយន្តបែន​បើកចុះភ្នំ​ដងរ៉ែក​ដាច់ហ្វ្រាំង​ក្រឡាប់ជាច្រើនត្រឡប់​បណ្ដាលឱ្យតៃកុងស្លាប់នៅនឹងកន្លែង​

បុរស់ម្នាក់បានស្លាប់ភ្លាមៗនៅកន្លែងកើតហេតុ ខណៈបើករថយន្ដបែន ដឹកដីចុះមកពីលើភ្នំដងរ៉ែក ដាច់ហ្វាំងក្រឡាប់ជាច្រើនត្រឡប់។

ហេតុការណ៍នេះបានកើតឡើង នៅវេលាម៉ោង ១១៖៣០នាទីថ្ងៃទី ៣០ ខែមិថុនា ២០២២ ស្ថិតនៅភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្ដរមានជ័យ។

មន្រ្ដីនគរបាលផែនចរសចរណ៍អធិការដ្ឋានស្រុកអន្លង់វែងបានឱ្យដឹងថា មានករណីគ្រោះថ្នាក់​ចរាចរណ៍មួយកើតឡើងនៅផ្លូវជាតិលេខ ៦៧ ចន្លោះបង្គោលលេខ ១៣១ និង ១៣២ នៅភូមិ ជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្ដរមានជ័យ បង្កឡើងដោយរថយន្តបែនដឹកដីបើកចុះពីលើភ្នំដាច់ហ្វាង ទៅ​បុកបង្កានដៃក្រឡាប់ធ្លាក់ចុះក្រោម បណ្ដាលឱ្យបុរសអ្នកបើកបរឈ្មោះ យាន សុជាតិ អាយុ ៣៦ឆ្នាំ រស់នៅភូមិបន្ទាយចាស់ ឃុំស្លរក្រាម ក្រុងសៀមរាប ខេត្តសៀមរាបស្លាប់បាត់បង់ជីវិតនៅកន្លែងកើតហេតុ៕

អត្ថបទ៖ ចាន់ ធី