សន្តិសុខសង្គម

អគ្គិភ័យឆាបឆេះផ្ទះពលរដ្ឋ ១២ ខ្នង នៅកណ្តាលក្រុងបាត់ដំបង ខណៈមូលហេតុឋិតក្នុងការស្រាវជ្រាវ

បានផុស

៣ years មុន

នៅ

ថ្ងៃព្រហស្បតិ៍ ៧ កក្កដា ២០២២

ដោយ

អគ្គិភ័យដែលបានកើតឡើងយ៉ាងសន្ធោសន្ធៅ នៅក្នុងក្រុងបាត់ដំបងកាលពីល្ងាចថ្ងៃទី ០៦ ខែកក្កដា ឆ្នាំ ២០២២ វេលាម៉ោង ១៧ និង ១៥ នាទី នៅត្រង់ចំណុចក្រុមទី ៥ ភូមិ ព្រែកមហាទេព សង្កាត់ ស្វាយប៉ោ ក្រុងបាត់ដំបង បានផ្តើមឆេះពីផ្ទះរបស់ ឈ្មោះ អ៊ា អេងហុង ភេទប្រុស អាយុ ៧០ ឆ្នាំ មុខរបរលក់ពូក(ហាងលក់ពូក)រហូតឆេះរាលដាលផ្ទះអ្នកជិតខាង ១១ ខ្នងទៀត គិតត្រឹមពេលនេះនៅមិនទាន់ដឹងអំពីមូលហេតុនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអនុសេនីយ៍ឯក ឆោម ឈឿយ នាយរងផ្នែកសណ្តាប់ធ្នាប់សាធារណៈនៃអធិការក្រុងបាត់ដំបង បានឲ្យដឹងថា ហេតុការណ៍ដ៏អាក្រក់នេះ បានបំផ្លាញផ្ទះប្រជាពលរដ្ឋ ១២ ខ្នង ជាប្រភេទផ្ទះសង់អំពីឈើ និងដែកប្រក់ស័ង្កសី ដោយមូលស្ថិតក្នុងការស្រាវជ្រាវនៅឡើយ។ ចំណែកសម្ភារៈ និងទ្រព្យសម្បត្តិ ដែលបានខូចខាតក្នុងហេតុការខាងលើរហូតមកដល់ពេលនេះសមត្ថកិច្ចជំនាញនៅមិនទាន់ក្តាប់បាននៅឡើយផងដែរ ។

លោកថា នៅក្នុងហេតុការណ៍គ្រោះថ្នាក់អគ្គិភ័យនេះ ដោយមានការចូលរួមពីប្រជាពលរដ្ឋជិតខាង និងរថយន្តពន្លត់អគ្គិភ័យ ទៅជួយអន្តរាគមន៍ ជួយពន្លត់ ០៦ គ្រឿង ដោយប្រើប្រាស់ទឹកអស់ ១២ រថយន្ត តែនៅក្នុងហេតុការណ៍ខាងលើនេះ មិនមានគ្រោះថ្នាក់ដល់មនុស្សណាម្នាក់នោះទេ៕