បង្ក្រាបទីតាំងចែកចាយម៉ាស៊ីនបារីអេឡិចត្រូនិក ដកហូតវត្ថុតាង៩០កេស និងទឹកថ្នាំជាង១០០កេស

កម្លាំងសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន បានសហការជាមួយសមត្ថកិច្ចខណ្ឌ​ច្បារអំពៅ​ ចុះបង្ក្រាបទីតាំងចែកចាយម៉ាស៊ីនបារីអេឡិចត្រូនិក និងទឹកបារីអេឡិចត្រូនិកមួយកន្លែង ដកហូតបានម៉ាស៊ីនបារីអេឡិចត្រូនិកចំនួន ៩០កេស និងទឹកបារីអេឡិចត្រូនិកចំនួន១៣៨កេស។

ប្រតិបត្តិការបង្ក្រាបនេះ បានធ្វើឡើងកាលពីវេលា១១ព្រឹក ថ្ងៃទី១៣ ខែកក្កដា ឆ្នាំ២០២២ នៅចំណុចផ្ទះលេខ៩៧ ស្ថិតនៅតាមផ្លូវM០២ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។

សមត្ថកិច្ចបានឱ្យដឹងថា ការចុះបង្ក្រាបនេះគឺបានឃាត់ខ្លួនជនសង្ស័យចំនួន២នាក់ ទី១-ឈ្មោះ ចេង យី ភេទស្រី និងឈ្មោះ ខាត់ សារិទ្ធ ភេទប្រុស។

សង្ស័យត្រូវបានសមត្ថកិច្ចខណ្ឌច្បារអំពៅ ប្រគល់ឱ្យខាងសមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន ដើម្បីធ្វើការចាត់ការបន្តតាមនីតិវិធី៕