សន្តិសុខសង្គម

ខ្យល់កន្ត្រាក់បំផ្លាញផ្ទះពលរដ្ឋជាច្រើនខ្នង នៅស្រុករតនៈមណ្ឌល

បានផុស

៣ years មុន

នៅ

ថ្ងៃពុធ ២០ កក្កដា ២០២២

ដោយ

ផ្ទះប្រជាពលរដ្ឋ ៧ ខ្នង ត្រូវបានរបើករបាញស្ទើរទាំងស្រុង បន្ទាប់ពីមានភ្លៀងធ្លាក់មួយមេយ៉ាងធំ ព្រមទាំងមានខ្យល់កន្ត្រាក់បោកបក់មកជាមួយផង ដែលធ្វើឲ្យផ្ទះទាំងនោះរងនូវការខូចខាតតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះធម្មជាតិនេះ បានកើតឡើងកាលពីថ្ងៃទី ១៩ ខែកក្កដា ឆ្នាំ ២០២២ វេលាម៉ោង ៣ រសៀល ត្រង់ចំណុច ភូមិជីសាង ឃុំត្រែង ស្រុករតនៈមណ្ឌល ខេត្តបាត់ដំបង ដែលធ្វើឲ្យប៉ះពាល់ដល់ផ្ទះប្រជាពលរដ្ឋ ចំនួន ៧ ខ្នង។

ផ្ទះទាំងនោះគឺជារបស់ឈ្មោះ ១.ឈ្មោះ រួម ពឿន ភេទប្រុស អាយុ ៤៩ ឆ្នាំ ផ្ទះទំហំ ១០ម៧ ម ២.ឈ្មោះ វ៉ាន់ ស្រីនួន ភេទស្រី អាយុ ២២ ឆ្នាំ ផ្ទះទំហំ ៦មx៩ម ៣.ឈ្មោះ ឈា ឆន ភេទស្រី អាយុ ៥៥ឆ្នាំ ផ្ទះតម្កល់ទំហំ ៦មx៧ម ៤.ឈ្មោះ អ៊ុន មេន ភេទប្រុស អាយុ ៦៤ ឆ្នាំ ផ្ទះតម្កល់ទំហំ ៦មx៧ម ៥.ឈ្មោះ ប៉ែល មករា ភេទប្រុស អាយុ ៣០ ឆ្នាំ ផ្ទះតម្កល់ទំហំ ៦មx៧ម ៦.ឈ្មោះ សឹម សៀក ភេទស្រី អាយុ ៤៦ ឆ្នាំ ផ្ទះទំហំ ៤មx៥ម និង ៧.ឈ្មោះ ខិន ខើន ភេទស្រី អាយុ ៣៦ ឆ្នាំ ផ្ទះទំហំ ៤មx៥ម។ បច្ចុប្បន្នអាជ្ញាធរមូលដ្ឋានបានរាយការណ៍ជូនទៅថ្នាក់ខេត្ត និងសាខាកាកបាទក្រហមខេត្តរួចហើយ៕