សន្តិសុខសង្គម

ឆ្មក់ចូលពិនិត្យទីតាំងទទួលបញ្ញើ អឹម អេស ធី អ៊ិចប្រេស រកឃើញទំនិញអត់ច្បាប់ជាច្រើនឡាំង

បានផុស

៣ years មុន

នៅ

ថ្ងៃពុធ ២០ កក្កដា ២០២២

ដោយ

បាត់ដំបង ៖ ទំនិញខុសច្បាប់ប្រមាណ ១៩០ឡាំង ត្រូវបានកម្លាំងជំនាញធ្វើការដកហូត និងនាំខ្លួនម្ចាស់ទីតាំងទៅធ្វើការសាកសួរ បន្ទាប់ពីកម្លាំងសមត្ថកិច្ចបានរកឃើញនៅក្នុងក្រុមហ៊ុនបញ្ញើឥវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការនេះ បានធ្វើឡើង នាថ្ងៃទី ១៩ ខែកក្កដា ឆ្នាំ២០២២ វេលាម៉ោង៩នឹង៤០នាទី ព្រឹក ដែល ដឹកនាំដោយព្រះរាជអាជ្ញារងនៃសាលាដំបូងខេត្តបាត់ដំបង រួមជាមួយនឹងកម្លាំង នគរបាលនៃ ការិយាល័យប្រឆាំងបទល្មើសសេដ្ឋកិច្ចខេត្តបាត់ដំបង ប៉ុស្តិ៍រដ្ឋបាលបឹងរាំង និងអាជ្ញាធរមូលដ្ឋានផងដែរ។

នៅក្នុងកិច្ចប្រតិបត្តិការនេះដែរ គឺ បានចុះអនុវត្តតាមដីកាអនុញ្ញាតឲ្យធ្វើការឆែកឆេរ លេខ០២ដ.ក.អ ឆ.ឆ/២២ ពិនិត្យនិងរុករកវត្ថុតាង លើឃ្លាំងស្តុកអីវ៉ាន់បញ្ញើរបស់ក្រុមហ៊ុន អឹម អេស ធី អ៊ិចប្រេស ដែលមានទីតាំងក្នុងភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។

នៅក្នុងការពិនិត្យឆែកឆេរ កម្លាំងជំនាញបានរកឃើញនិងដកហូតទឹកដោះគោស្រស់និងទឹកដោះគោជូរចម្រុះ បានចំនួន១៩០ កែស រថយន្ត ១ គ្រឿងម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3F-8861 ព្រមទាំងបានឃាត់ខ្លួនជនសង្ស័យ១នាក់ឈ្មោះ សំ អឿន ភេទប្រុសអាយុ ៣៨ឆ្នាំ ស្នាក់នៅក្នុង ភូមិ ឃុំ កើតហេតុខាងលើ(ជាម្ចាស់ទីតាំង)។

បច្ចុប្បន្នជនសង្ស័យនិងវត្ថុតាងត្រូវបាននគរបាលប្រឆាំងបទល្មើសសេដ្ឋកិច្ចយកទៅសាកសួរនៅស្នងការដ្ឋាននគរបាលខេត្តបាត់ដំបងនីតិវិធី៕

អត្ថបទ ៖ សោ និយមរ័ត្ន