បាក់ស្រុតដី​ជាប់គល់ស្ពាន​អ្នកតាវាំង​អាជ្ញាធរ​ប្រកាស​ឱ្យអ្នក​ដំណើរ​ប្រុងប្រយ័ត្ន​

​លោក គុយ គឹមហ៊ាង ​ប្រធានការិយាល័យ​សាធារណការ​សាលាខណ្ឌច្បារអំពៅ​បានឲ្យដឹងថា​ នៅ​ត្រង់ចំណុចគល់ស្ពាន​អ្នកតាវាំង​ ផ្លូវ៣៦៩ ភូមិព្រែកថ្មី សង្កាត់ព្រែកថ្មី​ ខណ្ឌច្បារអំពៅ​ រាជធានីភ្នំពេញ​កំពុងបាក់ស្រុតដីក្បែរ​គល់ស្ពានដែលប្រឈម​និងការបាក់ស្រុត​ពេលរថយន្តធុន​ធំដឹកទំនិញធ្ងន់នោះ។

ហេតុការណ៍នេះ កើតឡើងនៅព្រឹកថ្ងៃទី ២២ ខែកក្កដា ខណៈ​អាជ្ញាធរ​កំពុងជូនដំណឹងទៅដល់​អ្នកធ្វើដំណើរឆ្លងស្ពាន​អ្នកតាវាំងឱ្យមានការប្រុងប្រយ័ត្នអាចប្រឈមនឹងគ្រោះថ្នាក់។​

ពេលនេះអាជ្ញាធរកំពុងស្នើទៅមន្ទីរសាធារណការរាជធានីភ្នំពេញដាក់អ្នកបច្ចេកទេសមកសាងសង់ដើម្បីទប់ស្កាត់ការបាក់ស្រុតធ្ងន់ធ្ងរ ដែលក្នុងនោះអាជ្ញាធរសុំឲ្យរថយន្តធុនធ្ងន់ធ្វើការដំណើឆ្លងកាត់​លើកំណាត់ស្ពានខាងលើព្រោះងាយនឹងបាក់ស្រុតទំរាំតែផ្នែកជំនាញជួសជុលរួចរាល់៕

អត្ថបទ៖ នរា