គល់ស្ពាន​អាកាស​ក្បាលថ្នល់​ក្លាយជាទីកន្លែង​ទិញ-លក់ម៉ូតូកង់បី​

បើធ្វើដំណើរតាមបណ្តោយផ្លូវជាតិលេខ ២ស្ថិតក្នុងសង្កាត់​ចាក់អង្រែលើ​ ខណ្ឌមានជ័យ ​រាជធានីភ្នំពេញ ​នឹងបានឃើញគេតាំងតម្រៀប​ម៉ូតូកង់បី​ដាក់លក់ព្រោងព្រាតត្រង់គល់ស្ពានអាកាសក្បាលថ្នល់។

លោក សុន ភឿន អ្នកលក់កង់បីបាននិយាយថា មូលហេតុដែលពួកគាត់យកម៉ូតូកង់បីមកដាក់លក់នៅគល់ស្ពានអាកាសក្បាលថ្នល់នេះគឺអាជ្ញាធរលោកអនុគ្រោះឲ្យដាក់លក់ប៉ុន្តែមិនឲ្យបង្កផលប៉ះពាល់សណ្តាប់ធ្នាប់ឡើយ។

អ្នកលក់ខាងលើបានបញ្ជាក់ថា ការដាក់លក់នឹងទិញចូលកង់បីនៅគល់ស្ពានអាកាសក្បាលថ្នល់នេះគឺមានម៉ូយមកទាក់ទងជាប់រហូត។ ហើយមកដល់ពេលនេះសម្បូអ្នកមកទិញកង់បីមួយទឹកដោយសារអាថ្មីមានតម្លៃខ្ពស់។

ទាក់ទិនទៅនឹងការដាក់លក់ផាសអាប់នៅទីតាំងខាងលើនេះលោក កែវ សាវឿន ចៅសង្កាត់ចាក់អង្រែបានឲ្យដឹងថា លោកមិនហាមឃាត់ទេព្រោះនេះជាអាជីពរបស់គាត់។

ក្នុងនោះលោកចៅសង្កាត់ក៏សំណូមពរដល់បងប្អូនជាម្ចាស់ផាសអាប់សូមកុំបង្កបញ្ហាសណ្តាប់លើដងផ្លូវឲ្យសោះពិសេសទៅលើភ្ញៀវចុះមកទិញ៕

អត្ថបទ៖ នរា