សូមប្រុងប្រយ័ត្ន! នារីអ្នកបកប្រែភាសាចិនវ័យ១៧ឆ្នាំម្នាក់ ឆក់ចរន្ដអគ្គិសនីស្លាប់ ខណៈកំពុងដេកក្នុងបន្ទប់

នារីវ័យក្មេងជាអ្នកបងប្រែភាសាចិនម្នាក់ទើបតែមានអាយុ១៧ឆ្នាំ ត្រូវបានគេប្រទះឃើញដេកស្លាប់នៅក្នុងបន្ទប់ស្នាក់នៅរបស់បុគ្គលិកក្នុងក្រុមហ៊ុន (ស៊ីងយន្តគ័ងយិកខូល អិល ធី ឌី) រ៉ែមាស ដែលសមត្ថកិច្ចអះអាងថា ជនរងគ្រោះស្លាប់ដោយសារឆក់ខ្សែភ្លើង។

យោងតាមរបាយការណ៍សមត្ថកិច្ចបានឲ្យដឹងថា នារីរងគ្រោះមានឈ្មោះ ឃន ស្រីពៅ អាយុ១៧ឆ្នាំ មានទីលំនៅភូមិសង្គម ឃុំសណ្តាន់ ស្រុកសំបូរ មានមុខរបរជាអ្នកបកប្រែភាសារចិន។ សមត្ថកិច្ចបានបញ្ជាក់ថា ក្រោយពីកម្លាំងនគរបាលជំនាញកោសល្យវិច្ច័យ សហការជាមួយក្រុមគ្រូពេទ្យបាធ្វើការពិនិត្យសាកសព និងពិនិត្យជុំវិញទីតាំងកន្លែងកើតហេតុយ៉ាងល្អិតល្អន់រួចមកទើបកំណត់បានថា ការស្លាប់របស់នារីរងគ្រោះ គឺ ពិតជាបានស្លាប់ដោយសារឧប្បត្តិវហេតុឆក់ខ្សែភ្លើងប្រាកដមែន។

សូមបញ្ជាក់ថា នារីរងគ្រោះត្រូវបានគេប្រទះឃើញដេកស្លាប់ក្នុងបន្ទប់ស្នាក់នៅរបស់បុគ្គលិក ក្នុងក្រុមហ៊ុន (សុឹងយន្តគ័ងយិក ខូល​អិល ធី ឌី​) រ៉ែមាស ចំណុចអូរត្រូន ភូមិអូរពោធិ ឃុំក្បាលដំរី ស្រុកសំបូរ ខេត្តក្រចេះ និងបានបង្កការភ្ញាក់ផ្អើលនៅព្រឹកថ្ងៃទី២៧ ខែកក្កដា ឆ្នាំ២០២២៕

អត្ថបទ៖ សុខុម