សន្តិសុខសង្គម
អាជីវករផ្សារសាំហាន់ ផ្ទុះការតវ៉ាលើប្រធានផ្សារ ដែលតម្រូវឲ្យទិញសិទ្ធិកាន់កាប់តូប
នៅព្រឹកថ្ងៃទី១ ខែសីហា ឆ្នាំ២០២២ នេះ ក្រុមអាជីវករផ្សារសាំហាន់ជាង១០០នាក់ បានប្រមូលផ្ដុំគ្នាតវ៉ាស្នើសុំលោក គឹម ឆាយ ជាប្រធានផ្សារសាំហាន់ ដែលទើបចូលមកគ្រប់គ្រងថ្មីៗនេះ សូមឲ្យអនុវត្តដូចប្រធានផ្សារសាំហាន់ចាស់ ដោយបង់ប្រាក់កក់ និងប្រាក់ប្រចាំខែជាធម្មតា។

តាមការលើកឡើងពីក្រុមអាជីវករបានឲ្យដឹងថា ពួកគាត់បានស្នើសុំទៅលោក គឹម ឆាយ ដែលជាប្រធានផ្សារសាំហាន់ទើបចូលមកគ្រប់គ្រងថ្មីចំនួន៦ចំណុច ហើយចំណុចដែលសំខាន់ គឺលោក គឹម ឆាយ បានតម្រូវឲ្យអាជីវករទិញសិទ្ធិកាន់កាប់តូបនីមួយៗ និងបង់ប្រាក់ប្រចាំខែជាធម្មតា តែនៅពេលដែលអាជីវករឈប់លក់ដូរ ប្រាក់ដែលទិញសិទ្ធិកាន់កាប់នោះមិនបានត្រឡប់មកវិញទេ ដែលខុសពីគោលការណ៍របស់អតីតប្រធានផ្សារដែលកាន់កាប់ពីមុន គឺគ្រាន់តែតម្រូវឲ្យកក់ប្រាក់ថ្លៃតូប និងបង់ប្រាក់ប្រចាំខែ តែនៅពេលដែលអាជីវឈប់លក់ដូរ ប្រាក់កក់ថ្លៃតូបនឹងបានមកវិញ ។

ក្រុមអាជីវករបានបញ្ជាក់ថា បងប្អូនអាជីវករបានស្នើសុំប្រធានផ្សារមកគ្រប់គ្រងថ្មីចំនួន៦ចំណុច រួមមាន៖
១-ស្នើសុំអោយអាជីវករលក់ដូរធម្មតា មិនមានការរុះរើធ្វើតូបថ្មី។
២-ស្នើសុំអោយម្ចាស់ដី កុំទាន់យកលុយកក់ថ្មីពីអាជីវករ (ចាំដល់បានលុយកក់ពីឈ្មោះ លោក ព្រំ សុធី ជាអតីតផ្សារសិន)។
៣-ស្នើសុំអោយធ្វើកុងត្រា២ឆ្នាំម្តង និងតម្កល់ប្រាក់កក់នៅដដែល (មិនមែនការកក់ប្រាក់ដាច់) ក្នុងតម្លៃតូបកែងផ្លូវធំ១៥០០ដុល្លារ តូបកែងផ្លូវតូច១០០០ដុល្លារ និងតូបក្នុងនៅកណ្តាល ៥០០ដុល្លារ។
៤–សុំអោយអាជីវករមានសិទ្ធិជួលតូប ឬក៏សេងតូបកាត់ឈ្មោះទៅអោយអ្នកថ្មីក្នុងតម្លៃ មួយតួប ៥០ដុល្លារដូចដើម មិនមានការកែប្រែ។
៥-សុំកុំអោយមានការឈប់ជួល ឬដកហូតតូបអាជីវករដោយគ្មានមូលហេតុ ។
៦-សូមបង្ហាញលិខិតបញ្ជាក់ភស្តុតាងអះអាងពីម្ចាស់ដី ឬម្ចាស់ផ្សារថ្មីមុននឹងអោយអាជីវករចុះធ្វើកុងត្រា។
គោលបំណង ស្នើសុំបន្តលក់ដូរ និងបង់លុយប្រចាំខែដូចធម្មតា ដោយមិនមានការប្រែប្រួលពីម្ចាស់ ដី ដែលស្ថិតនៅផ្សារធំទូលសង្កែ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ៕
អត្ថបទ៖ សុខុម







-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ១ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់