សន្តិសុខសង្គម

ផ្ដន្ទាទោសយុវជនម្នាក់ ដាក់ពន្ធនាគារ ១៥ ឆ្នាំ ករណីជួញដូរគ្រឿងញៀន ២០០ ក្រាម

បានផុស

២ years មុន

នៅ

ថ្ងៃចន្ទ ១ សីហា ២០២២

ដោយ

ចៅក្រមជំនុំជម្រះសាលាដំបូងរាជធានីភ្នំពេញ លោក ទិតសុទ្ធី បូរ៉ាឆាត ប្រធានក្រុមប្រឹក្សា និងលោក សាយ ណូរ៉ា ជាតំណាងអយ្យការ បានប្រកាសសាលក្រមផ្តន្ទាទោសលើជនជាប់ចោទឈ្មោះ ហែម សារី ភេទប្រុស អាយុ ២៧ ឆ្នាំ ជនជាតិខ្មែរ ដាក់ពន្ធនាគារកំណត់ ១៥ ឆ្នាំ ក្រោមការចោទប្រកាន់ពីបទ « ដឹកជញ្ជូន និងប្រើប្រាស់ដោយខុសច្បាប់នូវសារធាតុញៀន ចំនួន ២០០ ក្រាម » នៅព្រឹកថ្ងៃទី ១ ខែសីហា ឆ្នាំ ២០២២ នេះ។ តុលាការបើកផ្លូវឲ្យជនត្រូវចោទប្ដឹងឧទ្ធរណ៍តាមកំណត់ច្បាប់ បើមិនសុខចិត្តនិងការសម្រេចនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទបានប្រព្រឹត្តនៅចំណុច ក្រុមហ៊ុនដឹកជញ្ជូន វីរៈប៊ុនថាំ មានទីតាំងស្ថិតនៅផ្ទះលេខ ៣៩ ផ្លូវ ១០៧ (សុកហុក) សង្កាត់ អូឫស្សីទី ៤ ខណ្ឌ ៧ មករា រាជធានីភ្នំពេញ និងចំណុច ក្រុមហ៊ុន វីរៈប៊ុនថាំ ផ្លូវជាតិលេខ៤ ភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ កាលពីថ្ងៃទី ២៦-២៧ ខែធ្នូ ឆ្នាំ ២០២១។

សូមរំលឹកថា កាលពីថ្ងៃទី ៣០ ខែធ្នូ ឆ្នាំ ២០២១ ចៅក្រមស៊ើបសួរសាលាដំបូងរាជធានីភ្នំពេញបានសម្រេចឃុំខ្លួនជនជាប់ចោទដាក់ពន្ធនាគារព្រៃសម ១ ជាបណ្ដោះអាសន្ន និងបើកសវនាការជំនុំជម្រះកាលពីថ្ងៃទី ៦ ខែកក្កដា ឆ្នាំ ២០២២ និងធ្វើការប្រកាសនៅព្រឹកថ្ងៃទី០ ១ ខែសីហាឆ្នាំ ២០២២៕

អត្ថបទ៖ មករា

Related Topics:គ្រឿងញៀន