សន្តិសុខសង្គម

ក្មេងស្រី៣នាក់នាំគ្នាចុះលេងទឹកប្រឡាយបណ្តាលឲ្យលង់ស្លាប់២នាក់ និងម្នាក់ទៀតបានប្រជាពលរដ្ឋជួយសង្គ្រោះទាន់

បានផុស

២ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

កំពង់ឆ្នាំង ៖ កុមារី៣នាក់បាននាំគ្នាលេងទឹកក្នុងប្រឡាយបណ្ដាលឱ្យលង់ទឹកស្លាប់២នាក់ ចំណែកម្នាក់ទៀត ត្រូវបានប្រជាពលរដ្ឋជួយសង្គ្រោះបានទាន់ពេលវេលារួចផុតពីសេចក្តីស្លាប់។

ហេតុការណ៍ខាងលើនេះ បានកើតឡើងនៅវេលាម៉ោង១៦ល្ងាច ថ្ងៃទី០៤ ខែសីហា ឆ្នាំ២០២២ នៅចំណុចប្រឡាយទឹកក្រោយអណ្ដូងថ្មី ស្ថិតនៅក្នុងភូមិដំបូកកកោះ ឃុំភ្នំក្រាំងដីមាស ស្រុករលាប្អៀរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិការនគរបាលស្រុករលាប្អៀរលោកវរសេនីយ៍ឯក ទឹមចាន់ធី បានឲ្យដឹងថា មុនពេលកើតហេតុមាន កុមារី៣នាក់បានដើរលេងហើយក៏នាំគ្នាចុះលេងទឹកប្រឡាយ ក៏បណ្តាលឲ្យលង់ស្លាប់ចំនួន ២នាក់ នៅកន្លែងកើតហេតុ គឺ ១,ឈ្មោះ ហន ភាគ ភេទស្រីអាយុ ១២ឆ្នាំ រស់នៅភូមិដំបូកកកោះ និង ២,ឈ្មោះ ហាន សុភ័ក្ត្រ ភេទស្រី អាយុ ១៣ ឆ្នាំរស់នៅភូមិស្វាយជ្រុំចាស់ ឃុំក្រាំងដីមាស។

ដោយឡែកកុមារីម្នាក់ទៀតឈ្មោះ ឡូច នីកា ភេទស្រីអាយុ ១៣ ឆ្នាំមានទីលំនៅភូមិដំបូកកកោះ ត្រូវបានអ្នកស្រុកជួយសង្គ្រោះទាន់ ពេលវេលារួចផុតពីសេចក្តីស្លាប់។

ក្រោយពេលកើតហេតុ សមត្ថកិច្ចនគរបាលបច្ចេកទេសនិងវិទ្យាសាស្ត្រសហការជាមួយគ្រូពេទ្យជំនាញនិងអាជ្ញាធរមូលដ្ឋាន បញ្ជាក់ថា ការស្លាប់របស់កុមារីរងគ្រោះទាំង២ខាង លើពិតជាស្លាប់ដោយសារលង់ទឹកពិតប្រាកដមែន។ ហើយត្រូវបានសមត្ថកិច្ចធ្វើកំណត់ហេតុប្រគល់ឲ្យគ្រួសារសពនាំយកទៅធ្វើបុណ្យតាមប្រពៃណីនៅតាមលំនៅឋានរៀងៗខ្លួន៕

ដោយ៖ ឈៀងថារិទ្ធ