គណៈបញ្ជាការឯកភាពស្រុកបរិបូណ៌ ចុះបង្ក្រាបបទល្មើសនេសាទកាវលៀសដោយម៉ាស៊ីនខុសច្បាប់

សមត្ថកិច្ចខណ្ឌរដ្ឋបាលជលផលកំពង់ឆ្នាំង សហកាណ៍ជាមួយគណៈបញ្ជាការឯកភាពស្រុកបរិបូណ៌ នៅល្ងាចថ្ងៃទី០៤ ខែសីហា ឆ្នាំ២០២២ បានចុះបង្ក្រាបបទល្មើសនេសាទកាវលៀសដោយម៉ាស៊ីន នៅក្នុងឃុំឆ្នុកទ្រូ និងឃុំខុនរ៉ង ស្រុកបរិបូណ៌ ខេត្តកំពង់ឆ្នាំង។

សមត្ថកិច្ចបានឲ្យដឹងថា បទល្មើសកាវលៀសដោយម៉ាស៊ីនយកមកលក់ជាអំពើល្មើសច្បាប់ ជាក់ស្ដែងនៅល្ងាចថ្ងៃទី០៤ ខែសីហា សមត្ថកិច្ចបានបង្រ្កាបបទល្មើសកាវលៀសលក់ ចំនួន៩០បេ ស្មេី ៤៥០ គីឡូនៅជើងកំពុងភូមិឆ្នុកទ្រូ និងបង្ក្រាបនៅជើងកំពង់ភូមិសេះស្លាប់ មានលៀសចំនួន ៨០ បេ ស្មេី៤០០ គីឡូចំណុចទាំង២ទីតាំងខាងលើនេះស្ថិតក្នុងឃុំឆ្នុកទ្រូ ។ ដោយឡែកលៀស ចំនួន ៥០ បេ ស្មេី ២៥០ គីឡូ បង្ក្រាបនៅ ចំណុចមាត់ទឹកភូមិកំពង់អួរ ឃុំខុរ៉ង ស្រុកបរិបូណ៌ ត្រូវបានសមត្ថកិច្ចចម្រុះចាក់លៀសចូលទន្លេធម្មជាតិវិញ ចំនួន ២២០ បេ ស្មេី ១.១២០ គីឡូ ។

លោក ផល សុភាព អភិបាលរងស្រុកបរិបូណ៌ លោក អ៊ូ សោភ័ណ នាយរងខណ្ឌរដ្ឋបាលជលផលកំពង់ឆ្នាំង និងលោក នួនវុទ្ធី នាយសង្កាត់រដ្ឋបាលជលផលឆ្នុកទ្រូ សូមអំពាវនាវដល់ប្រជានេសាទ សូមឈប់នេសាទកាវលៀសដោយម៉ាស៊ីនព្រោះជាអំពើខុសច្បាប់នៃជលផល និងប្រឈមចំពោះមុខច្បាប់ទៀតផង ។ ម្យ៉ាងទៀតបច្ចុប្បន្ននេះជាររដូវបិតនេសាទដែលជារដូវត្រីពងកូនសូមបងប្អូនចូលរួមជួយថែរក្សាធនធានជលផលរបស់ជាតិឲ្យបានគង់វង្សសម្រាប់កូនចៅចំណងក្រោយរបស់យើង៕

អត្ថបទ៖ ឈៀងថារិទ្ធ