សន្តិសុខសង្គម
ឱសានវាទជាថ្មីម្ដងទៀតរបស់ខឹម វាសនា គឺត្រឹមល្ងាចនេះ ហើយបើមិនរំសាយ សមត្ថកិច្ចនឹងចាត់វិធានការទៅតាមអ្វីដែលបានសន្យា
សៀមរាប ៖ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានសន្យានៅចំពោះមុខសមត្ថកិច្ចចម្រុះនៃខេត្តសៀមរាប ថា នឹងរំសាយការជួបជុំនៅល្ងាចថ្ងៃទី០៥ ខែកញ្ញា ឆ្នាំ២០២២ ក្នុងដីចម្ការក្នុងភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប។ ប៉ុន្តែប្រសិនបើលោកខឹម វាសនា នៅមិនព្រមរំសាយតាមការសន្យានោះទេ សមត្ថកិច្ចនឹងចាត់ការតាមច្បាប់។4
សូមរម្លឹកថា កាលពីថ្ងៃទី២៣ ខែសីហា ឆ្នាំ២០២២ មានចលនាបំផុសបំផុលមនុស្ស ឲ្យទៅស្នាក់នៅជុំគ្នានៅដីចម្ការរបស់លោក ខឹម វាសនា ក្នុងស្រុកបន្ទាយស្រី ខេត្តសៀមរាប ក្រោមការសាបព្រោះពាក្យចចាមអារ៉ាម មានគ្រោះរញ្ជួយដី និងទឹកលិចលង់ពិភពលោក។
ក្នុងនោះដែរពលរដ្ឋចូលរួមមានប្រមាណជាជិត២ម៉ឺននាក់ បានមានជំនឿលើការឃោសនាគ្រប់រាជធានីខេត្ត រួមទាំងពលករបម្រើការក្រៅប្រទេស ហើយបានចាកចេញពីលំនៅឋាន ពីកន្លែងការងារ ទៅរស់នៅក្នុងចម្ការ ដែលគេឃោសនាថាជាទីតាំងតែមួយគត់គេចផុតពីគ្រោះមហន្តរាយពិភពលោក។ ពលរដ្ឋដែលទៅទីនោះ ខ្លះទៅទាំងគ្រួសារ គ្រួសារខ្លះទៅស្វាមី គ្រួសារខ្លះទៅតែភរិយា ដោយបានប្រមូលទ្រព្យសម្បត្តិទៅជាមួយផង។ ខ្លះទៀតក៏បានលក់ទ្រព្យសម្បត្តិយកលុយទៅតាមខ្លួនផងដែរ។
នគរបាលជាន់ខ្ពស់នៃខេត្តសៀមរាប បានឲ្យដឹងនៅល្ងាចថ្ងៃទី០៥នេះថា ពលរដ្ឋដែលកំពុងបន្តប្រមូលផ្តុំនៅចម្ការរបស់លោក ខឹម វាសនា នៅសល់ប្រមាណជា១ពាន់នាក់ទៀតប៉ុណ្ណោះដែលជាអ្នកនៅធ្វើការនៅក្នុងចម្ការ ក្រៅពីនោះបានរំសាយអស់ហើយ។
សមត្ថកិច្ច បានបញ្ជាក់ថា បើគិតចាប់ពីថ្ងៃទី៣១ ខែសីហា ឆ្នាំ២០២២ សមត្ថកិច្ចបានទទួលពាក្យបណ្តឹងចំនួន១០១បណ្តឹង ដែលមានចំនួនមនុស្សជាង២០០នាក់។ ជាមួយគ្នានោះដែរគណៈបញ្ជាការឯកភាពខេត្ត បានដឹកនាំកម្លាំងចម្រុះ អញ្ជើញ ចុះពិនិត្យស្ថានរបស់ភាពទូទៅនៅគោលដៅចម្ការ១២ហិតានិងរៀបចំក្រុមការងារចុះទៅធ្វើបច្ចុប្បន្នភាពនៅចម្ការផងដែរ។
អ្វីដែលគួរឲ្យសង្វេគនោះគឺពលរដ្ឋរងគ្រោះដែលបាត់សាច់ញាតិ បានមកស្រែកទ្រហោយំនៅមុខចម្ការរបស់លោកខឹម វាសនា ដើម្បីឲ្យសមត្ថកិច្ចជួយស្វែងរកសាច់ញាតិដែលមករស់នៅក្នុងចម្ការ ខាងលើឲ្យត្រឡប់ទៅផ្ទះវិញដើម្បី ឲ្យកូនៗបានរៀនសូត្រ និងប្រកបកិច្ចការរកស៊ីដូចគេឯងធម្មតាឡើងវិញ។
ជាមួយគ្នានោះដែរ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានអំពាវនាវឲ្យពលរដ្ឋចាក ចេញពីដីចំការនោះ ទៅប្រកបមុខរបរ ការងារ និងរស់នៅជួបជុំគ្រួសារ ជាធម្មតាវិញ ហើយរាជរដ្ឋាភិបាល ក៏បានត្រៀមរថយន្តដើម្បីជូនបងប្អូនប្រជាពលរដ្ឋត្រឡប់ ទៅផ្ទះវិញផងដែរ៕
ដោយ ៖ កុសល
សមត្ថកិច្ចកំពុងស្រាវជ្រាវរកអ្នកដឹកសត្វក្រពើងាប់ជិត២០ក្បាលទៅបោះចោលក្នុងស្ទឹងសង្កែ
ការផ្ទេរអំណាចសន្តិភាពនៅអាមេរិក៖ ពីចូ បៃដិនទៅដូណាល់ ត្រាំ ខុសពី ដូណាល់ ត្រាំ ទៅចូ បៃដិន
នារីម្នាក់ត្រូវឃាតករសម្លាប់រួចចាក់សោរក្នុងបន្ទប់ជួលរហូតធុំក្លិនស្អុយទេីបបែកការណ៍
ស្នងការនគរបាលរាជធានី គ្រោងបង្កើតក្រុមសមត្ថកិច្ចចល័តដើម្បីតាមពិនិត្យអនុវត្តលើអ្នកដំណើរទាំងឡាយណា ដែលសមត្ថកិច្ចមានការសង្ស័យថាមានជាតិស្រវឹង
ពូទីន ប្រកាសចំហចរចាជាមួយរដ្ឋបាលដូណាល់ ត្រាំ ខណៈហុងគ្រីបរិហារអឺរ៉ុប
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ចរាចរណ៍២៣ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម១៧ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤