អាជ្ញាធរក្រុងស្ទឹងសែន​ចុះពិនិត្យស្ថានភាព​ប្រព័ន្ធលូរំដោះទឹកភ្លៀង​ក្នុងផ្សារស្ទឹងសែន

អាជ្ញាធរក្រុងស្ទឹងសែន​ចុះពិនិត្យមើលស្ថានភាព​ប្រព័ន្ធលូរំដោះទឹកភ្លៀង​ក្នុងផ្សារស្ទឹងសែន​ និងត្រៀម​ស្តារឡើងវិញនៅចុងឆ្នាំ២០២២ ខាងមុខ។ ​

លោក ពេញ កែម អភិបាលក្រុងស្ទឹងសែន នៅថ្ងៃទី ១១ ខែកញ្ញា បានដឹកនាំសហការីចុះ​ពិនិត្យមើល​ប្រព័ន្ធលូរំដោះទឹកភ្លៀងក្នុងផ្សារស្ទឹងសែន បន្ទាប់ពីមានក្តីបារម្ភរបស់អាជីវករលក់ដូរនៅទីនោះមានការលំបាកដោយសារទឹកស្ទះនៅពេលភ្លៀងធ្លាក់ខ្លាំង។

លោកអភិបាលក្រុងស្ទឹងសែនបានឱ្យដឹងថា ប្រជាពលរដ្ឋដែលមានតម្រូវការទិញទំនិញផ្សេងៗក៏ពិបាកក្នុងការធ្វើដំណើរផងដែរ។ ក្នុងសកម្មភាពចុះពិនិត្យនេះមន្រ្តីជំនាញផ្នែកសាធារណៈក្រុងសង្កេតឃើញថា មូលហេតុនៃ​ការលិច​រាល់ពេលមានភ្លៀងធ្លាក់ដោយសារផ្សារមានស្ថានភាពទាបជាងផ្លូវនៅពេលភ្លៀងម្តងៗ​ធ្វើឲ្យទឹកហូរចូលទៅផ្នែកខាងក្នុងច្រើន ប៉ុន្តែរយៈពេលប្រមាណ២ទៅ៣ម៉ោង ទើបស្រកទៅវិញ ប្រព័ន្ធលូជុំវិញផ្សារនិងប្រព័ន្ធលូក្នុងបរិវេណផ្សារកកស្ទះដោយសារសំរាម និងដីកកក្នុងលូ​ធ្វើឱ្យ​ទឹកហូរយឺតបងប្អូនអាជីវករមួយចំនួនបានចាក់សាបមុខតូបលក់គ្របលើប្រព័ន្ធលូផងដែរ។

លោក ពេញ កែមបានបន្តថា ការពិនិត្យនេះ មិនដោះអាចស្រាយភ្លៀមៗបានទេទាមទារពេលវេលាប្រជុំពិភាក្សាជាមួយជំនាញផ្នែកប្រព័ន្ធលូ ផ្នែកផាស៊ីផ្សារ និងអាជីវករដែលជាម្ចាស់តូប ព្រោះក្នុងអំឡុងពេលធ្វើ នឹងអាចប៉ះពាល់ដល់ការលកដូរមួយរយៈពេល។

ក្រុមការងារសម្រេច ធ្វើផែនស្តារព័ន្ធលូ នៅចុងឆ្នាំ២០២២ ក្រោយពីរដូវវស្សា ចំពោះបញ្ហាសណ្តាប់ធ្លាប់លក់ដូរ និងរៀបចំឡើងវិញតាម ស.ជ.ណ របស់រដ្ឋក្រុង ស្ទឹងសែនឡើងមិនអនុញ្ញាតវិញមិនអនុញ្ញាត​ឲ្យជីវករលក់ដូរលើផ្លូវ ហើយអ្នកម៉ៅការផាស៊ី មិនអនុញ្ញាតឲ្យយកចំណីផ្លូវធ្វើកន្លែងផ្ញើរកងម៉ូតូទៀតនោះទេ៕

អត្ថបទ៖ ឈាង មករា