សន្តិសុខសង្គម
គិតត្រឹមល្ងាចថ្ងៃទី២៧ កញ្ញានេះ ផ្ទះពលរដ្ឋ១៥៣ខ្នង ដែលរស់នៅក្នុងខេត្តកំពង់ឆ្នាំង ត្រូវលិចទឹក
កំពង់ឆ្នាំង ៖ គិតត្រឹមម៉ោង៥ល្ងាចថ្ងៃទី២៧ ខែកញ្ញា ឆ្នាំ២០២២ ដោយសារទឹកទន្លេសាបកំពុងបន្តហក់ឡើងបណ្ដាលឱ្យផ្ទះប្រជាពលរដ្ឋរស់នៅតាមដងទន្លេក្នុងខេត្តកំពង់ឆ្នាំង សរុបចំនួន ១៥៣ខ្នងត្រូវលិចទឹក។ ក្នុងនោះនៅក្នុងឃុំឆ្នុកទ្រូ ស្រុកបរិបូរណ៍ចំនួន៤០ខ្នងនិងនៅក្នុងឃុំផ្លូវទូក ស្រុកកំពង់លែង ចំនួន ១១៣ ខ្នង។ នេះបើយោងតាមរបាយការណ៍របស់អាជ្ញាធរមូលដ្ឋាន។
តាមសេចក្តីរាយការណ៍របស់អាជ្ញាធរឃុំឆ្នុកទ្រូបានឲ្យដឹងថា នៅរសៀលថ្ងៃទី២៧ ខែកញ្ញានេះ លោកចេង ចាន់ដូណា អភិបាលអភិបាលស្រុកបរិបូរណ៍បានដឹកនាំក្រុមការងារចុះត្រួតពិនិត្យមើល ការរស់នៅរបស់បង ប្អូនប្រជាពលរដ្ឋ បំឡាស់ទីផ្ទះបណ្តែតទឹកឡើងគោកនៅក្នុងចំណុចអ្នកតាទាំង ស្ថិតក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ក្នុងនោះបានឲ្យដឹងថា គិតត្រឹមល្ងាចថ្ងៃទី ២៧ ខែកញ្ញានេះ ផ្ទះប្រជាពលរដ្ឋចំនួន៤០ខ្នងត្រូវបានលិចទឹក។
ដោយឡែកនៅក្នុងឃុំផ្លូវទូក ស្រុកកំពង់លែងវិញ អាជ្ញាធរមូលដ្ឋានបានឲ្យដឹងថា គិតត្រឹមម៉ោង ៥ ល្ងាចថ្ងៃទី២៧ ខែកញ្ញានេះ ផ្ទះប្រជាពលរដ្ឋដែលបានបំឡាស់ទីពីផ្ទះបណ្ដែតទឹកឡើងមករស់នៅលើគោកចំនួន ១១៣ ខ្នង ក៏ត្រូវបានលិចទឹកផងដែរ។ ដោយខ្លះបានលិចទាំងស្រុងខ្លះលិចអស់ពាក់កណ្ដាល និងខ្លះលិចបណ្តើរៗហើយ។
អាជ្ញាធរឃុំផ្លូវទូកបានបញ្ជាក់ឲ្យដឹងទៀតថា កាលពី២ឆ្នាំមុន ទឹកទន្លេតូចពុំបានលិចខ្នងកោះទេ ដូច្នេះផ្ទះរបស់ប្រជាពលរដ្ឋដែលសង់នៅលើ គោកក៏មិនត្រូវបានទឹកទន្លេលិចនោះដែរ។ ដោយឡែកឆ្នាំនេះពេលទឹកទន្លេហក់ឡើងខ្ពស់ ទើបផ្ទះពួក គាត់ត្រូវលិចទឹក។
ទន្ទឹមគ្នានេះដែរ អាជ្ញាធរឃុំទាំងពីរក៏បានអំពាវនាវ ដល់បងប្អូនប្រជាពលរដ្ឋ ត្រូវទៅកន្លែងទីទួលសុវត្ថិភាព ដើម្បីរស់នៅបណ្ដោះអាសន្ន ជៀសវាងមានការគ្រោះថ្នាក់ជាយថាហេតុ ពិសេសក្មេងៗ កុំបណ្ដោយឱ្យលេងទឹក ក្នុងនោះក៏ត្រូវប្រុងប្រយ័ត្ន ឱ្យបានខ្ពស់ ចំពោះសត្វមានពិសដូចជាពស់ក្អែមជាដើម។
ទាក់ទងនឹងករណីខាងលើនេះដែរ ឯកឧត្តមស៊ុន សុវណ្ណារិទ្ធិ អភិបាលខេត្តកំពង់ឆ្នាំងនៅយប់ថ្ងៃទី២៧ ខែ កញ្ញានេះ បានឲ្យដឹងថា នៅថ្ងៃស្អែក ទី ២៨ ឯកឧត្តម និងចាត់តាំងក្រុម ការងារ២ក្រុមដឹកនាំដោយអភិបាលរងខេត្ត ចុះទៅពិនិត្យមើលស្ថានភាពរបស់ប្រជាពលរដ្ឋរងគ្រោះដោយផ្ទះលិចទឹក ដើម្បីធ្វើការជម្លៀសប្រជាពលរដ្ឋទៅកាន់ទីទួលសុវត្ថិភាព ក្នុងនោះដែរក៏ត្រូវនាំយកអំណោយជាស្បៀងអាហារកាកបាទក្រហមខេត្ត ទៅឧបត្ថម្ភដល់ពួក គាត់ផងដែរ៕
ដោយ ៖ ឈៀងថារិទ្ធ
បទឈប់បាញ់នៅហ្គាហ្សាឈានកិច្ចព្រមព្រៀង នឹងចូលជាធរមាននៅថ្ងៃទី១៩មករា
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៥ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ២ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ