សន្តិសុខសង្គម
ជំនន់ទឹកភ្លៀងនៅផ្លូវជាតិលេខ៦ស្រកចុះបន្តិចប៉ុន្តែរថយន្តដឹកទំនិញធុនធ្ងន់នៅផ្អាកចរាចរណ៍ដដែល
គិតរហូតដល់ថ្ងៃទី ២៨ ខែកញ្ញា ឆ្នាំ២០២២ ទិដ្ឋភាពនៃការធ្វើដំណើរ នៅលើកំណាត់ផ្លូវជាតិលេខ ៦ នៅភូមិសាស្រ្តស្រុកស្ទោង ខេត្តកំពង់ធំ នៅតែបន្តចារាចរណ៍ជាធម្មតា ចំពោះរថយន្តធនតូច និងរថយន្តដំណើរផ្សេងៗ លើកលែងករណីរថយន្តដឹកទំនិញធុនធ្ងន់។
![](https://www.kampucheathmey.com/wp-content/uploads/2022/09/photo_2022-09-28_12-09-30-2-1024x684.jpg)
លោក សាយ គឹមឡម អភិបាលស្រុកស្ទោង បញ្ជាក់ថា បរិមាណធារទឹក ដែលគ្របដណ្តប់លើផ្លូវជាតិលេខ៦ ក្នុងភូមិសាស្រ្ត ស្រុកស្ទោង ខេត្តកំពង់ធំ បានស្រកចុះប្រហែលជ្រៅជិត០,១០ម៉ែត្រ ដែលអាចឲ្យប្រជាពលរដ្ឋ នៅមូលដ្ឋាន និងអ្នកដំណើរឆ្លងកាត់បានស្រួលជាងមុន ចម្ងាយដែលគ្របដណ្តប់ដោយផ្ទៃទឹកនៅសល់ប្រហែល៤គីឡូម៉ែត្រ ជម្រៅទឹកក្រាលនៅផ្លូវជាតិ នៅព្រឹកនេះ ចន្លោះពី០,១០ម៉ែត្រ ទៅ០,៣០ម៉ែត្រ។
ទន្ទឹមជាមួយគ្នានេះដែរ ក្នុងនាមគណៈបញ្ជាការឯកភាពស្រុក បានដាក់កម្លាំងជាប្រចាំ ក្នុងការជួយសម្រួលចរាចណ៍ មិនឲ្យមានការកកស្ទះដល់ប្រជាពលរដ្ឋធ្វើដំណើរឆ្លងកាត់នោះទេ។
![](https://www.kampucheathmey.com/wp-content/uploads/2022/09/photo_2022-09-28_12-09-30-1024x684.jpg)
ក្នុងនោះកិច្ចសហការជាមួយមន្រ្តីជំនាញ នៅតែបន្តពិនិត្យច្រកបេខ្សាច់នៅកន្លែងដែលមានទឹកហូរខ្លាំង ការពារទឹកហូរច្រុះដាច់ផ្លូវដដែល។
ចំពោះរថយន្តដឹកទំនិញធុនធ្ងន់នៅតែបន្តផ្អាកចរាចរណ៍ដើម្បីការពារការបាក់ស្រុតនៃផ្លូវនាំឲ្យពិបាកក្នុងការជួសជុលនៅពេលទឹកស្រកចុះ។
លោកបន្តថា ប្រភពទឹកនៅផ្នែកខាងលើ គឺទំនប់អាងស្ទាក់ទឹក ៣០ កញ្ញា នៅថ្ងៃនេះស្រកចុះ ០,១៣ម៉ែត្រ កម្ពស់ទឹកលើបង្ហៀរ០,៣៧ម៉ែត្រ កម្ពស់ទឹកលើសំណង់ទ្វារទឹក៤,៣៧ម៉ែត្រ កម្ពស់ទឹកនៅក្នុងអាង១៨,៥៧ម៉ែត្រ, ទឹកស្ទោងស្ទោង ថ្ងៃនេះស្រកចុះ ០,១០ម៉ែត្រ កម្ពស់ទឹកក្នុងស្ទឹង ៥,៧០ម៉ែត្រ ក្រោមកម្ពស់ប្រកាសឲ្យប្រុងប្រយ័ត្ន០,១០ម៉ែត្រ។
![](https://www.kampucheathmey.com/wp-content/uploads/2022/09/photo_2022-09-28_12-09-31-1024x684.jpg)
ដោយឡែកភូមិដែលរងគ្រោះដោយទឹកជំនន់ចំនួន៥២ភូមិ លើ៨ឃុំ ស្មើនិង៥,៨៩២គ្រួសារ លិចក្រោមផ្ទះចំនួន៤,៦២៦ខ្នងផ្ទះ, លិចដីកសិកម្មសរុបចំនួន៣,៦៧៨ហិកតា, លិចផ្លូវ៣៧ខ្សែរ ក្នុងនោះមាន ផ្លូវជាតិលេខ៦, ផ្លូវកៅស៊ូឃុំ ១,១០០ម៉ែត្រ, ផ្លូវគ្រួសក្រហម ៣,៣៥១៨ម៉ែត្រ, ផ្លូវដីស៤០៧៩ម៉ែត្រ, លិចទីធ្លាវត្តអារាមចំនួន៧វត្ត, លិចទីធ្លាសាលារៀនចំនួន១៧សាលា, លិចទីធ្លាមណ្ឌលសុខភាព២មណ្ឌល៕
អត្ថបទ៖ ឈាង មករា
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៩ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៩ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច