សន្តិសុខសង្គម

រថយន្តវីហ្គោពាក់ស្លាកលេខនគរបាលបុកបង្កាន់ដៃស្ពានសំណាងគ្មានអ្នករងរបួស

បានផុស

២ years មុន

នៅ

ថ្ងៃពុធ ២៨ កញ្ញា ២០២២

ដោយ

ភ្នំពេញ ៖ រថយន្តមួយគ្រឿងម៉ាកវីហ្គោពណ៌ខ្មៅពាក់ស្លាកលេខ នគរបាល ២ ៧០២០ បានជួបគ្រោះថ្នាក់ចរាចរណ៍នៅលើស្ពានព្រះមុនីវង្សចាស់ ស្ថិតក្នុងសង្កាត់ច្បារអំពៅទី២ខណ្ឌច្បារអំពៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅបានឲ្យដឹងថា ករណីគ្រោះថ្នាក់ចរាចរណ៍នេះគឺបានកើតឡើងនៅវេលាម៉ោង៨យប់ថ្ងៃទី២៨ខែកញ្ញា។

លោកអធិការរងបន្តថា នៅម៉ោងកើតហេតុរថយន្តខាងលើបានបើកបរតាមបណ្តោយផ្លូវជាតិលេខ១ក្នុងទិសដៅពីច្បារអំពៅឆ្លងស្ពានព្រះមុនីវង្សចាស់ឆ្ពោះទៅអតិតរង្វង់មូលក្បាលថ្នល់ លុះឡើងផុតបន្តិចក៏ជ្រុលចង្កូតបុកបង្កាន់ដៃស្ពានខាងឆ្វេងធ្លាក់ក្បាលឡានផុតបង្កាន់ដៃស្ពានប៉ុន្តែពុំបានធ្លាក់មកក្រោមនោះទេ។ អ្វីដែលសំខាន់គឺករណីគ្រោះថ្នាក់នេះមិនបង្កឲ្យមានអ្នករងរបួសឡើយ។ ចំណែកអ្នកបើកបរវិញគឺបានគេចចេញពីកន្លែងដោយបន្សល់ទុករថយន្តនៅនឹងកន្លែង៕

ដោយ ៖ នរា