សន្តិសុខសង្គម

គណៈបញ្ជាការឯកភាពខណ្ឌពោធិ៍សែនជ័យចុះ បង្ក្រាបល្បែងស៊ីសងអិនធឺណេត ឃាត់ខ្លួន៧នាក់

បានផុស

២ years មុន

នៅ

ថ្ងៃសុក្រ ៣០ កញ្ញា ២០២២

ដោយ

ភ្នំពេញ ៖ កម្លាំងគណៈបញ្ជាការឯកភាពខណ្ឌពោធិ៍សែនជ័យ ចុះបង្ក្រាប ចុះបង្ក្រាបល្បែងស៊ីសងតាមអនឡាញមួយកន្លែងរបស់ជនជាតិចិនឃាត់ខ្លួនបានមនុស្សចំនួន៧នាក់ ស្រី១នាក់ ដកហូតក្បាលទូរទស្សន៍បាន៣៨គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការ នេះបានធ្វើឡើងកាលពីវេលាម៉ោង៣និង៤៥នាទីរសៀលថ្ងៃទី៣០ ខែកញ្ញា ឆ្នាំ២០២២ នៅហាងអិនធឺណេត យីហោ ស្កាយណេត អិនធឺណេត កាហ្វេ ក្នុងបុរីញ៉ូថោន ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។

យោងតាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសេចក្តីសម្រេចឱ្យអាជ្ញាធរទាំង២៥ខេត្ត ក្រុង ចុះបង្ក្រាបរាល់ទីតាំងល្បែងស៊ីសងខុសច្បាប់គ្រប់ប្រភេទទាំងអស់ទូទាំងប្រទេស។

បន្ទាប់ពីទទួលបានសេចក្តីសម្រេច ពីរាជរដ្ឋាភិបាលអាជ្ញាធរបានផ្សព្វផ្សាយ ជុំវិញបើកលេងល្បែងស៊ីសងខុសច្បាប់គ្រប់ប្រភេទ ហើយក៏ធ្លាប់បានណែនាំផ្ទះខាងលើផងដែរ ស្រាប់តែស្ងាត់ៗ លួចបើកលេងល្បែងសុីសងតាមអនឡាញ ទើបកម្លាំងអាជ្ញាធរ សមត្ថកិច្ចចុះបង្ក្រាប ឃាត់ខ្លួនជនជាតិចិនបាន៧នាក់ ស្រី១នាក់ ដកហូតក្បាលទូរទស្សន៍បានចំនួន៣៨គ្រឿង។

បច្ចុប្បន្ន មនុស្សទាំង៧នាក់ និងសម្ភារៈ ដែលបានដកហូត អាជ្ញាធរ ប្រគល់ឲ្យអាវុធហត្ថខណ្ឌពោធិ៍សែនជ័យ យកទៅសាកសួរ នៅទីបញ្ជាការ តាមនីតិវិធី ហើយហាងខាងលើត្រូវបានអាជ្ញាធរសម្រេចបិទជាបណ្តោះអាសន្ន៕

ដោយ ៖ សុខា