សន្តិសុខសង្គម

គិតត្រឹមម៉ោង១០យប់ថ្ងៃទី០៧នេះ ទឹកស្ទឹងប៉ៃលិន ហក់ឡើងខ្លាំង អភិបាលខេត្តប៉ៃលិន អំពាវនាវពលរដ្ឋដែលមានលំនៅជាប់មាត់ស្ទឹងប្រុងប្រយ័ត្ន

បានផុស

២ years មុន

នៅ

ថ្ងៃសុក្រ ៧ តុលា ២០២២

ដោយ

ប៉ៃលិន ៖ លោកស្រី បាន ស្រីមុំ អភិបាលខេត្តប៉ៃលិន បានអំពាវនាវ ដល់បងប្អូនប្រជាពលរដ្ឋ ដែលមានទីលំនៅជាប់ស្ទឹងតារាប ស្ទឹងបរយាខា បរតាំងស៊ូ សូមមានការប្រុងប្រយ័ត្ន ព្រោះពេលនេះទឹកកំពុងហក់ឡើងខ្លាំង ធ្វើអោយលិចលង់ទីលំនៅឋានមួយចំនួនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី អភិបាលខេត្ត ក៏បានបញ្ជាក់ដែរថា ពេលនេះថ្នាក់ដឹកនាំខេត្ត និងក្រុមការងារគ្រប់លំដាប់ថ្នាក់ កងកម្លាំងគឺនៅប្រចាំការ នៅគ្រប់គោលដៅ រង់ចាំជួយសង្គ្រោះ ពុកម៉ែបងប្អូន គ្រប់កាលៈទេសៈ ។ ចំពោះបញ្ហាទឹកជំនន់នេះគឺបណ្តាលមកពី ទឹកភ្លៀងធ្លាក់ ពីលើភ្នំនានា ហើយហូរមកខាងក្រោម និងកាត់តាមដងស្ទឹង បរយាខា បរតាំងស៊ូ និង ស្ទឹងតារៀប ស្ថិតក្នុងភូមិសាស្ត្រខេត្តប៉ៃលិនផងដែរ។

ជាមួយគ្នានេះប្រសិនជាបងប្អូន ត្រូវការកម្លាំងជួយសង្គ្រោះ ឬ តម្រូវការជំនួយផ្សេងៗបន្ទាន់ ពីក្រុមការងារ សូមទំនាក់ទំនងលេខ រដ្ឋបាលខេត្ត ០៨១ ៣០៦៣០៨។

សូមបញ្ជាក់ថា រហូតមកដល់វេលាម៉ោង១០យប់ថ្ងៃទី៧ ខែតុលានេះ ភ្លៀងកំពុងតែបន្តធ្លាក់យ៉ាងខ្លាំង ដែលធ្វើឲ្យតំបន់មួយក្នុងក្រុងប៉ៃលិន និងស្រុកសាលាក្រៅ ជន់លិចផងដែរ៕

អត្ថបទ ៖ សេង សុវណ្ណារិទ្ធ