សន្តិសុខសង្គម

ម៉ូតូ ០២ គ្រឿងបុកគ្នា ស្លាប់ ១ និងរបួសធ្ងន់ ០៣ នាក់

បានផុស

២ years មុន

នៅ

ថ្ងៃសៅរ៍ ៨ តុលា ២០២២

ដោយ

ម៉ូតូពីរគ្រឿង បុកគ្នាពេញទំហឹង ស្លាប់អ្នកបើកបរម្នាក់ភ្លាមៗនៅកន្លែង និងបីនាក់ទៀតរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកឧដុង្គ ដោយសារបើកបរក្នុងល្បឿនលឿនខ្វះការប្រុងប្រយ័ត្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍រវាងម៉ូតូបុកម៉ូតូខាងលើនេះ កើតឡើងកាលពីព្រលប់ថ្ងៃទី ០៧ ខែតុលា ឆ្នាំ ២០២២ ស្ថិតលើផ្លូវជាតិលេខ ៤៤ ចន្លោះគីឡូម៉ែត្រលេខ (៧៨-៧៩) ភូមិអូរអង្គុំ ឃុំអមលាំង ស្រុកថ្ពង ខេត្តកំពង់ស្ពឺ។

នគរបាលបានឲ្យដឹងថា ជនរងគ្រោះដែលស្លាប់ក្នុងករណីគ្រោះថ្នាក់ចរាចរណ៍នោះ មានឈ្មោះ សឹម យ៉ាន ភេទប្រុស អាយុ ៣៩ ឆ្នាំ មុខរបរកសិករ មិនពាក់មួកសុវត្ថិភាព បើកបរម៉ូតូ ម៉ាកវ៉េវ ពណ៌ទឹកប៊ិច គ្មានស្លាកលេខ ឌុបមនុស្សម្នាក់ឈ្មោះ ស្រេង ចិន ភេទប្រុស អាយុ ៣៥ ឆ្នាំ មុខរបរកសិករ មិនពាក់មួកសុវត្ថិភាព រងរបួសធ្ងន់។ ទាំង ២ នាក់ រស់នៅភូមិត្រពាំងត្រើញ ឃុំប្រាំបីមុម ស្រុកថ្ពង ខេត្តកំពង់ស្ពឺ។

នគរបាលបានបន្តថា ចំណែកភាគីម៉ូតូម្ខាងទៀត ម៉ាកអិចស៊ីទ័រ ពណ៌ក្រហម គ្មានស្លាកលេខ អ្នកបើកបរឈ្មោះ ឈូក ម៉ាឡាត ភេទប្រុស អាយុ ២០ ឆ្នាំ មុខរបរកសិករ ពាក់មួកសុវត្ថិភាព រងរបួសធ្ងន់ រស់នៅភូមិតាកោង ឃុំអមលាំង ស្រុកថ្ពង ឌុបឈ្មោះ ថី សុខថេត ភេទប្រុស អាយុ ១៩ ឆ្នាំ មុខរបរកសិករ ពាក់មួកសុវត្ថិភាព រងរបួសធ្ងន់ រស់នៅភូមិអូរអង្គុំ ឃុំអមលាំង ស្រុកថ្ពង រងរបួសធ្ងន់ទាំងពីរនាក់។

មុនពេលកើតហេតុ អ្នកបើកបរម៉ូតូបើកក្នុងល្បឿនលឿនពីទិសខាងកើតទៅទិសខាងលិច ដល់ចំណុចកើតហេតុ បានបុករថយន្តមួយគ្រឿង ហើយជ្រុលបុកម៉ូតូអិចស៊ីទ័រពេញមួយទំហឹង ទិសដៅបញ្ច្រាសគ្នា បណ្តាលឲ្យស្លាប់ និងរបួសរដូករណែលពេញផ្លូវតែម្ដង។

បច្ចុប្បន្ន សព ត្រូវបានក្រុមគ្រួសារយកទៅធ្វើបុណ្យតាមប្រពៃណី។ ចំណែកវត្ថុតាង នគរបាលបានយកមករក្សាទុកនៅប៉ុស្តិ៍នគរបាលរដ្ឋបាលអមលាំង ដើម្បីចាត់ការតាមនីតិវិធីច្បាប់៕

អត្ថបទ ៖ ភួង រដ្ឋា

Related Topics:គ្រោះថ្នាក់ចរាចរណ៍