សន្តិសុខសង្គម
រកឃើញទីតាំងកែច្នៃស្ករត្នោតក្លែងក្លាយ ៥ កន្លែង នៅស្រុកគងពិសី
ទីតាំងសិប្បកម្មលួចលាក់កែច្នៃស្ករត្នោតខុសច្បាប់មួយកន្លែង ត្រូវកម្លាំងអាជ្ញាធរស្រុកគងពិសី ចុះពិនិត្យរកឃើញប៉ះពាល់បរិស្ថាន ដោយការប្រើប្រាស់កាកសំណល់រោងចក្រចុះ (កម្ទេចក្រណាត់) ពេលនេះបានណែនាំដល់ពួកគាត់រួចរាល់ហើយ។
កាលពីព្រឹកថ្ងៃទី ១០ ខែតុលា ឆ្នាំ ២០២២ នេះ លោក ហេង ស៊ីណា នាយករងរដ្ឋបាលសាលាស្រុកគងពិសី បានដឹកនាំមន្ត្រីជំនាញចុះពិនិត្យសកម្មភាពកសិករធ្វើសិប្បកម្មកែច្នៃសារធាតុផ្សំជាស្ករត្នោត នៅភូមិចំការដូង ឃុំព្រៃវិហារ ស្រុកគងពិសី ខេត្តកំពង់ស្ពឺ ដោយរកឃើញមានចំនួន ០៥ ទីតាំង។
លោក ដួង សយ មេឃុំព្រៃវិហារ បានថ្លែងប្រាប់ថា កន្លែងកែច្នៃស្ករត្នោតខាងលើនេះ មានប្រមាណ ០៥ ទៅ ០៦ ទីតាំង ពួកគេប្រកបមុខរបរនេះជាយូរណាស់កន្លងមកហើយ។
លោកមេឃុំ បន្តថា ក្រុមអ្នកកែច្នៃស្ករត្នោតនេះ កន្លងមកឈ្លើយៗណាស់ ទាល់តែបែបនេះទើបដឹងខ្លួន។
លោក ហេង ស៊ីណា ប្រាប់ឲ្យដឹងថា អាជ្ញាធរចុះទៅពិនិត្យកន្លែងសិប្បកម្មកែច្នៃស្ករ ក្នុងឃុំព្រៃវិហារនោះ ជាក់ស្ដែងចំនួន ០៥ កន្លែង។ រឿងខុស ឬត្រូវយ៉ាងណា អាជ្ញាធរ មិនហ៊ានអះអាងទេ លុះត្រាមន្ត្រីជំនាញយកទៅពិនិត្យធ្វើឡាបូរតាមបច្ចេកទេសរបស់ជំនាញ។
លោក ហេង ស៊ីណា បានបន្តទៀតថា អ្វីដែលលោកចាប់អារម្មណ៍នោះ ការកែច្នៃស្ករនេះ មានផលប៉ះពាល់ដល់សុខភាពរបស់អ្នកប្រើប្រាស់ឬអត់។ ប៉ុន្តែបើតាមការសាកសួរ ពួកគាត់ ដែលបើកសិប្បកម្មកែច្នៃស្ករ គឺប្រើប្រាស់ស្ករអំពៅ លាយជាមួយទឹក និងប្រេងឆាខ្លះៗ ដុតភ្លើងរំងាស់ដោយប្រើកាកសំណល់ក្រណាត់ពីរោងចក្រប៉ុណ្ណោះ។
លោកបន្ថែមថា អាជ្ញាធរមានការគាំទ្រចំពោះប្រជាពលរដ្ឋដែលមានគំនិតចេះកែច្នៃដើម្បីទទួលបានចំណូលប្រចាំថ្ងៃ ក្នុងការបង្កើនសេដ្ឋកិច្ចគ្រួសារ។ ប៉ុន្តែបើមានផលប៉ះពាល់ដល់សុខភាពទូទៅ យើងមិនគាំទ្រដាច់ខាត។
លោកថា យើងសង្កេតឃើញកន្លងមក បងប្អូនដែលបើកសិប្បកម្មកែច្នៃស្ករនេះ ពួកគាត់ប្រើប្រាស់កម្ទេចក្រណាត់ពីរោងចក្រ ដុតបង្កឲ្យមានផលប៉ះពាល់បរិស្ថាន។ បញ្ហានេះ អាជ្ញាធរ ណែនាំឲ្យពួកគាត់ឈប់ប្រើកម្ទេចក្រណាត់ដុតទៀតហើយ។
សូមរម្លឹកថា នាពេលកន្លងមក ក្រសួងឧស្សាហកម្ម និងសិប្បកម្ម ធ្លាប់ធ្វើការណែនាំដល់គ្រប់មន្ទីរឧស្សាហកម្ម និងសិប្បកម្ម រាជធានី-ខេត្ត នៅក្នុងប្រទេសកម្ពុជា ឲ្យលុបបំបាត់រាល់សិប្បកម្មផលិតស្ករត្នោតក្លែងក្លាយទាំងអស់។
ក្រសួង ធ្លាប់បញ្ជាក់ថា គ្រប់មន្ទីរទាំងអស់ ត្រូវធ្វើការងារនេះឲ្យច្បាស់លាស់ ដើម្បីអនុវត្តផែនការមានប្រសិទ្ធភាព៕
អត្ថបទ ៖ ភួង រដ្ឋា
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
សហគមន៍កសិកម្មទំនើបស្រូវសែនក្រអូប ត្រូវបានធានាតម្លៃទុកមុន ១ ៣៥០ រៀល
ដោយសារជម្លោះ កូនប្រសាស្រីដាក់ថ្នាំបំពុលសម្លាប់មួយគ្រួសារខាងប្ដី នៅឯប្រេស៊ីល
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១៩ ម៉ោង agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២៣ ម៉ោង agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ១ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៥ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី