រត់គេចពីគូទំនាស់ផ្លោះរបងចូលយានដ្ឋានជួស​ជុលរថយន្ដធ្លាក់បាក់ជើងម្ខាង

បុរសម្នាក់បានរងរបួសបាក់ជេីងម្ខាងត្រូវបានរថយន្តកងសង្គ្រោះបន្ទាន់៧១១ កងពលតូចលេខ៧០ ដឹកយកទៅមន្ទីរពេទ្យភ្លាមៗ បន្ទាប់ពីរត់គេចពីគូរទំនាស់ដេញវាយ ហេីយផ្លោះរបងចូលយានដ្ឋានជួសជុលរថយន្តមួយកន្លែង នៅចំណុចភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែន ជ័យរាជធានីភ្នំពេញ កាលពីវេលាម៉ោង០៧និង៥៧នាទីព្រឹកថ្ងៃទី១៤ ខែតុលា ឆ្នាំ២០២២។

តាមប្រភពព័ត៌មានបានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញជនរងគ្រោះរត់គេចពីក្មេងស្ទាវមួយក្រុមដេញវាយហេីយបានផ្លោះឡេីងរបងយានដ្ឋានមួយកន្លែងដែលមានកម្ពស់៣ម៉ែត្របណ្តាលឱ្យធ្លាក់ចុះមកក្រោមបាក់ជេីងម្ខាង បន្ទាប់មកប្រជាពលរដ្ឋបានទាក់ទងទៅក្រុមរថយន្តសង្គ្រោះបន្ទាន់៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗ។

បេីកតាមប្រភពព័ត៌មានមួយទៀតបានឱ្យដឹងថា កាលពីយប់ក្រុមជនរងគ្រោះបានដេញវាយក្រុមទាំងនោះម្តងរួចមកហេីយលុះព្រឹកឡេីងគូទំនាស់នាំគ្នាមកដេញវាយសងសឹកវិញទេីបធ្វេីឱ្យភ័យរត់ផ្លោះរបងធ្លាក់បាក់ជេីងតែម្តង៕

អត្ថបទ៖ សុខា