បញ្ជូនខ្លួនបុរសជនជាតិឡាវម្នាក់ទៅតុលាការ ករណីគ្រឿងញៀនជិត៧គីឡូក្រាម

នៅរសៀលថ្ងៃទី១៩ ខែតុលា ឆ្នាំ២០២២ កម្លាំងសមត្ថកិច្ចមន្ទីរប្រឆាំងគ្រឿងញៀន ក៤ បានបញ្ជូនខ្លួនបុរសជនជាតិ​ឡាវម្នាក់ទៅសាលាដំបូងរាជធានីភ្នំពេញ ដើម្បីសាកសួរ ពាក់ព័ន្ធការដឹកជញ្ជូន និងជួញដូរគ្រឿងញៀនជិត៧គីឡូក្រាម ប្រព្រឹត្តនៅចំណុចមុខអាកាសយានដ្ឋានអន្តរជាតិភ្នំពេញ ស្ថិតក្នុងង្កាត់កាកាប ខណ្ឌពោធិ៍សែនជ័យ រាជធានីភ្នំពេញកាលពីថ្ងៃទី១៦ ខែតុលា ឆ្នាំ២០២២ ។

ជនសង្ស័យមានឈ្មោះ ម័រ ជ័រ (MOUA CHOUA) ភេទប្រុស អាយុ៤២ឆ្នាំ ជនជាតិឡាវ និងត្រូវបានសមត្ថកិច្ចចាប់ខ្លួនកាលពីថ្ងៃទី១៦ ខែតុលា ឆ្នាំ២០២២ នៅចំណុចមុខអាកាសយានដ្ឋានអន្តរជាតិភ្នំពេញ ស្ថិតក្នុងង្កាត់កាកាប ខណ្ឌពោធិ៍សែនជ័យ រាជធានីភ្នំពេញ សមត្ថកិច្ចដកហូតវត្ថុតាងរួមមាន មេតំហ្វេតាមីន (ICE) ទម្ងន់សុទ្ធ ៦គីឡ៩៣០ក្រាម៕

អត្ថបទ៖ មករា