កម្លាំងអាវុធហត្ថ​ក្រុងបានលុង ចាប់សាច់សត្វព្រៃ ២៤គីឡូ ដាក់លក់ខុសច្បាប់ មានទាំងត្រកួត និងឈ្លូស

កម្លាំងមូលដ្ឋានកងរាជអាវុធហត្ថក្រុងបានលុងសហការជាមួយរដ្ឋបាលព្រៃឈើនៅព្រឹកថ្ងៃទី ២០ ខែតុលា ឆ្នាំ ២០២២នេះ បានចុះបង្គ្រាបករណីជួញដូរសត្វព្រៃនៅចំណុចផ្សារបានលុងស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី។

ការចុះបង្ក្រាបការលក់សាច់សត្វព្រៃខុសច្បាប់​គឺបានធ្វើឡើងក្រោមការដឹកនាំរបស់លោកអនុសេនីយ៍ឯក កែវ ចាន់រី មេបញ្ជាការរងកងរាជអាវុធហត្ថខេត្តរតនគិរី ដោយបានបានចាប់យកវត្ថុតាងរួមមានៈ សាច់ជ្រូកព្រៃចំនួន ១៤ គីឡូក្រាម សាច់ត្រកួតចំនួន ៣ គីឡូក្រាម សាច់ឈ្លូសចំនួន ៧ គីឡូក្រាម សរុបចំនួន ២៤ គីឡូក្រាម។

បច្ចុប្បន្នៈវត្ថុតាងខាងលេីត្រូវបានរក្សាទុកនៅសង្កាត់រដ្ឋបាលព្រៃឈេីបានលុងដេីម្បីចាត់តាមនីតិវិធីបន្ត៕