សន្តិសុខសង្គម
ឃាត់ខ្លួនស្ត្រីប្រពន្ធចុងម្នាក់ សង្ស័យករណីចាក់សម្លាប់បុរសជាប្ដី
ករណីឃាតកម្មមួយបានកើតឡើងលើបុរសម្នាក់បានបង្កការភ្ញាក់ផ្អើលដល់អ្នកភូមិនៅចំណុចក្រុមទី១០ ក្នុងភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង។ ករណីនេះអ្នករស់នៅជិតកន្លែងកើតហេតុប្រាប់ថា បានកើតឡើង
កាលពីវេលាម៉ោងជិត៩និង០០នាទីយប់ថ្ងៃទី២០ ខែតុលា ឆ្នាំ២០២២ ដែលអ្នកភូមិដាក់ការសង្ស័យលើស្ត្រីជាប្រពន្ធចុងជាអ្នកប្រព្រឹត្ត ។
ប្រភពខាងលើបន្តថា បើយោងតាមសម្តីស្ត្រីជាប្រពន្ធដើមដែលមានទីលំនៅក្នុងភូមិជាមួយគ្នាបាននិយាយប្រាប់ថា មុនកើតហេតុប្តីរបស់គាត់បានហូបបាយរួច ក៏បានចេញទៅផ្ទះគូកំណាន់(ប្រពន្ធចុង) របស់គាត់ នៅវេលាម៉ោងប្រមាណជិត ០៧ ព្រលប់នៅថ្ងៃទី២០ ខែតុលា ម្សិលមិញ រហូតដល់ម៉ោងជិត១០និង០០នាទី ក៏ស្រាប់តែបានទទួលដំណឹងថា ប្តីរបស់គាត់ត្រូវគេចាក់សម្លាប់បណ្តាលឲ្យស្លាប់បាត់ហើយទើបមានការភ្ញាក់ផ្អើលតែម្តង។
ស្ត្រីជាប្រពន្ធដើមបានបញ្ជាក់ថា ជនរងគ្រោះជាប្ដីមានឈ្មោះ អាន់ វុធ អាយុ៤៦ឆ្នាំ បានដេកស្លាប់ក្នុងបន្ទប់ផ្ទះរបស់ប្រពន្ធចុងយ៉ាងអាណោចអាធ័ម ដោយនៅលើពោះមានស្លាកស្នាមចាក់ដោយកន្ត្រៃជាច្រើនកន្លែង ហើយក្រៅពីនេះនៅលើដងខ្លួនក៏មានស្នាមភ្លើងឆេះរោលនៅលើដងខ្លួនផងដែរ ចំណែកឯស្ត្រីជាប្រពន្ធចុងដែលជាប់សង្ស័យក្នុងករណីមនុស្សឃាតនេះ មានឈ្មោះ នេត ចំប៉ី អាយុ៥២ឆ្នាំ មានទីលំនៅកន្លែងកើតហេតុខាងលើ។
ក្រោយទទួលបានព័ត៌មានខាងលើកម្លាំងប៉ុស្តិ៍នគរបាលរដ្ឋបាលឃុំភ្នំសំពៅ សហការជាមួយកម្លាំងជំនាញព្រហ្មទណ្ឌអធិការដ្ឋាននគរបាលស្រុកបាណន់ចុះដល់កន្លែងកើតហេតុ ហើយក៏បានឃាត់ខ្លួនស្ត្រីម្នាក់ដែលជាប្រពន្ធចុងជនរងគ្រោះកាលពីកាលពីវេលាម៉ោង ៨និង៣០នាទីព្រឹក ថ្ងៃទី២១ ខែតុលា ឆ្នាំ២០២២នេះដើម្បីនាំមកសាកសួរជុំវិញករណីខាងលើនេះ ។ ខណះមកដល់ពេលនេះនៅមិនទាន់បានការបញ្ជាក់ពីសមត្ថកិច្ចអំពីមូលហេតុនៅឡើយដោយករណីនេះកំពុងស្ថិតក្នុងការស្រាវជ្រាវ និងសួរនាំជនសង្ស័យមិនទាន់បានបញ្ចប់នៅឡើយ បើទោះបីយ៉ាងណាស្ត្រីជាជនសង្ស័យត្រូវបានអ្នកភូមិបានបង្ហើបឲ្យដឹងប្រហាក់ប្រហែលគ្នាថា បុរសជាជនរងគ្រោះ គឺជាបុរសជាប្តីចុងក្រោយដែលបានបាត់បង់ជីវិត ខណះបុរស២នាក់ជាប្តីមុនៗ ផ្សេងទៀត ក៏ធ្លាប់ទទួលរងរបួសដូចគ្នាផងដែរ តែសំណាងមិនប៉ះពាល់ដល់ជីវិត ៕
អត្ថបទ៖ សៅ សារិទ្ធ
-
ចរាចរណ៍៥ ថ្ងៃ ago
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ ago
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៧ ថ្ងៃ ago
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ ago
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ១៧ ម៉ោង ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ ago
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ ago
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៧ ថ្ងៃ ago
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ