សន្តិសុខសង្គម
អាជ្ញាធរកំពង់ធំសម្អាតផ្លូវជាតិត្រៀមអុំទូកនៅដើមខែវិច្ឆិកាខាងមុខ
អភិបាលរងខេត្តកំពង់ធំ លោក សុក ហៃ នៅថ្ងៃទី ២៧ ខែតុលា ឆ្នាំ២០២២នេះបានដឹកនាំសម្អាតផ្លូវជាតិចាប់ពីស្ពានត្បូងចាម រហូតដល់រូបសំណាក់លោកតាអាចារ្យលាក់ ដែលប្រើប្រាស់រថយន្តទឹកចំនួន៤គ្រឿង ដើម្បីត្រៀមរៀបចំកម្មវិធីអុំទូកថ្នាក់ខេត្តនៅថ្ងៃទី៤ និងទី៥ ខែវិច្ឆិកា ឆ្នាំ២០២២ ខាងមុខ។
ប្រតិបត្តិការនេះនឹងរៀបចំឲ្យបានស្អាតរាប់បញ្ចូលទាំងការដាក់តាំងភ្លើងបំភ្លឺនៅពេលយប់ បោសសម្អាតដីលើផ្លូវ និងបរិវាណវិមានឯករាជ្យ។ ចំពោះបញ្ហាសណ្តាប់ធ្នាប់ក្រុមការងារកំពុងអនុវត្តចុះពិនិត្យជាប្រចាំដែលមិនអនុញ្ញាតឲ្យតាំងលក់ដូរទំនិញលើចំណីផ្លូវនាំឲ្យមានការកកស្ទះ ឬអាចបង្កជាហានិភ័យ នៃគ្រោះថ្នាក់ចរាចរណ៍នោះឡើយ។
លោកបញ្ជាក់បន្ថែមថា ខេត្តកំពង់ធំនឹងរៀបចំកម្មវិធីអុំទូកថ្នាក់ខេត្តនៅត្រង់ចំណុចស្ពានស្ទឹងសែន ដែលអមដោយសួនច្បារធំទូលាយ ដែលមានបរិវេណសួនស្ទឹងសែន សួនសម្តេចតេជោ និងវេរ៉ងដាសាងសង់ថ្មីដោយលោក ងួន រតនៈ អភិបាលខេត្តកំពង់ធំ ដើម្បីបង្ករបរិយាកាសសប្បាយរីករាយក្រោយពេលគ្រោះទឹកជំនន់បានបញ្ចប់។
តាមការគ្រោងទុករដ្ឋបាលខេត្តកំពង់ធំនឹងរៀបចំកម្មវិធីអុំទូកនៅពេលថ្ងៃ រីឯពេលយប់មានដុតកញ្ជ្រូចបង្ហោះគោម បណ្តែតប្រទីប និងមានក្រុមតន្រ្តីសម័យរបស់មន្ទីរវប្បធម៌ និងវិចិត្រសិល្បៈខេត្ត ប្រគំកំដរ និងរាំលេងកំសាន្តផងដែរ។
គួរបញ្ជាក់ថា ទូកដែលត្រូវចូលរួមប្រកួតសរុបចំនួន៤២ទូកមានចំណុះសរុប ១,២៣១នាក់ មកពីប្រាំបួន ក្រុង ស្រុក ទូទាំងខេត្តកំពង់ធំ ក្នុងនោះទូកវែង “ទូក ង” ចំនួន៥ (ទូកមួង ១), ទូកខ្នាតអន្តរជាតិ ចំនួន១៦ ទូក, ទូកផ្កាចារ្យមាន ចំនួន២១ ទូក៕
អត្ថបទ៖ ឈាង មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង