សន្តិសុខសង្គម

អគ្គិភ័យឆាបឆេះតូបអាជីវកលក់ដូរអស់១២តូបនៅសង្កាត់ទួលស្វាយព្រៃទី១

បានផុស

២ years មុន

នៅ

ថ្ងៃសុក្រ ២៨ តុលា ២០២២

ដោយ

ភ្នំពេញ ៖ អគ្គិភ័យបានឆាបឆេះតូបអាជីវកលក់ដូរជាប់ៗគ្នា ចំនួន ១២តូប អស់ទាំងស្រុង បង្កភ្ញាក់ផ្អើលកាលពី ម៉ោង១៧និង០០នាទី ល្ងាចថ្ងៃទី២៨ ខែតុលា ឆ្នាំ២០២២នេះស្ថិតនៅផ្សារដើមអំពិល សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ចំពោះគ្រោះអគ្គិភ័យខាងលើនេះ បានបំផ្លាញតូបអាជីវករលក់ដូរអស់ចំនួន ១២តូបទាំងស្រុង ក្នុងនោះជាប្រភេទ ឈើប្រក់ស័ង្កសី ដែលមានទំហំ ១ម៉ែត្រ x ២ម៉ែត្រ។

សមត្ថកិច្ចបានបន្តថា ក្រោយពីទទួលព័ត៌មានពីប្រជាពលរដ្ឋបានរាយការណ៍ថា មានគ្រោះអគ្គិភ័យមួយបានឆាបឆេះតូបអាជីវកលក់ដូរនៅផ្សារដើមអំពិលយ៉ាងសន្ធោសន្ធៅភ្លាមនោះសមត្ថកិច្ចក៏បានចេញរថយន្តពន្លត់អគ្គិភ័យទៅអន្តរាគមន៍ភ្លាមៗ។

សមត្ថកិច្ចបានបន្តទៀត ថា ឡានទឹកដែលចេញជួយសង្គ្រោះរួមមាន រថយន្តការិយាល័យអគ្គិភ័យរាជធានីភ្នំពេញ ចំនួន០៩គ្រឿង ប្រើប្រាស់ទឹកអស់០៥គ្រឿង, រថយន្តអគ្គិភ័យ ផ្សារទំនើបអូឡាំព្យា ចំនួន០២គ្រឿង ប្រើប្រាស់ទឹកអស់០១ឡាន និងរថយន្តអគ្គិភ័យក្រុមហ៊ុនស្រាបៀរកម្ពុជា ចំនួន០១គ្រឿង ប្រើប្រាស់ទឹកអស់០១ឡាន។

ចំពោះ ហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញកំពុងតែធ្វើការស្រាវជ្រាវ ដោយក្នុងនោះ មិនមានអ្នករងរបួស និងប៉ះពាល់ដល់អាយុជីវិតបងប្អូនប្រជាពលរដ្ឋនោះឡើយ៕

ដោយ ៖ សុខា