សន្តិសុខសង្គម

ក្រុមអាជីវករយកទំនិញចេញ-ចូលពីវៀតណាម តាមច្រកភ្នំដិន ប្រតិកម្មការតម្លើងតម្លៃពន្ធ

បានផុស

២ years មុន

នៅ

ថ្ងៃអង្គារ ១ វិច្ឆិកា ២០២២

ដោយ

ក្រុមអាជីវករជាអ្នករកស៊ីដឹកទំនិញចេញ-ចូលប្រទេសវៀតណាម តាមច្រកទ្វារអន្តរជាតិភ្នំដិន ស្រុកគីរីវង់ ខេត្តតាកែវ មិនតិចនាក់នោះទេ កំពុងត្អូញត្អែរពីតម្លៃពន្ធដែលពួកគាត់ត្រូវបង់ មួយគុណនឹងពីរ គុណនឹងបី បើធៀបតម្លៃចំណាយពេលមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីជាអាជីវករម្នាក់សុំមិនបញ្ចេញឈ្មោះ បានប្រាប់កម្ពុជាថ្មី កាលពីរសៀលថ្ងៃទី ៣១ ខែតុលា ឆ្នាំ ២០២២ ថា ទំនិញប្រភេទសម្ភារៈប្រើប្រាស់ប្រចាំថ្ងៃ និងសម្ភារៈផ្ទះបាយ ក្នុងមួយរថយន្ត ពីមុនគាត់បង់ពន្ធតែ ៥ លានរៀលទេ (ប្រាំលានរៀល) តែមកដល់ថ្ងៃនេះ គាត់ត្រូវបង់ ១២ លានរៀល (ដប់ពីរលានរៀល) គឺគុណនឹងពីរ គុណនឹងបី ឯណោះ ហើយក្រុមអាជីវករផ្សេងៗទៀតដែលដឹកបន្លែ ផ្លែឈើ ក៏មិនខុសពីគាត់ដែរ។ គាត់ថា ពិបាករកស៊ីណាស់ បើតម្លើងថ្លៃម្ល៉ឹងៗនោះ។

លោក កែវ ផាន ប្រធានការិយាល័យគយ និងរដ្ឋាករច្រកទ្វារអន្តរជាតិភ្នំដិន មិនអាចសុំការបកស្រាយបានទេ កាលពីរសៀលថ្ងៃទី ៣១ តុលានេះ។

ដោយឡែក លោក ស៊ុន ឆាយ ប្រធានសាខាគយ និងរដ្ឋាករខេត្តតាកែវ បានឲ្យដឹងតាមរយៈការហៅទូរស័ព្ទ កាលពីរសៀលថ្ងៃទី ៣១ ខែតុលា នេះដែរថា ពិតជាមានការតម្លើងតម្លៃយកពន្ធពីអ្នករកស៊ីដឹកទំនិញចេញ-ចូលប្រទេសវៀតណាមមែន។ ព្រោះនេះ ជាគោលការណ៍ប្រមូលពន្ធពីអគ្គនាយកដ្ឋានគយ និងរដ្ឋាករកម្ពុជា៕

អត្ថបទ ៖ វីរៈ