សន្តិសុខសង្គម
ឃាត់រថយន្តដឹកទំនិញខ្នាតធំ ល្មើសបម្រាមចូលក្រុង ប៉ះពាល់ទ្រព្យសម្បត្តិសាធារណៈ
រថយន្តដឹកទំនិញធុនធំមួយគ្រឿង បើកល្មើសបម្រាមចូលក្រុង បង្កផលប៉ះពាល់ទ្រព្យសម្បត្តិសាធារណៈ ត្រូវបានអាជ្ញាធរក្រុង ឲ្យសមត្ថកិច្ចនគរបាលធ្វើការឃាត់ និងនាំយកទៅរក្សាទុកនៅស្នងការដ្ឋាននគរបាលខេត្តស្ទឹងត្រែង ដើម្បីសម្របសម្រួលតាមនីតិវិធី។
លោក សាយ កុសល អភិបាលក្រុងស្ទឹងត្រែង បានបញ្ជាក់នៅព្រឹកថ្ងៃទី ២ វិច្ឆិកានេះថា រថយន្តដឹកទំនិញធុនធំនេះ កាលពីម្សិលមិញ បើកបរមកពីរាជធានីភ្នំពេញឆ្លងកាត់ខេត្តស្ទឹងត្រែង គោលបំណងទៅប្រទេសឡាវ តែអ្នកបើករថយន្តចង់ចូលមកលេងក្រុង ហើយមិនស្គាល់ភូមិសាស្ត្រច្បាស់លាស់ ទើបបង្កផលប៉ះពៀរបង្គោលដាក់កាត់ផ្លូវដើម្បីបំពាក់គ្រឿងលម្អត្រៀមលក្ខណៈក្នុងពិធីបុណ្យផ្សេងៗ ធ្វើឲ្យបាក់ខូចខាតដល់ទ្រព្យសម្បត្តិសាធារណៈ។
លោកអភិបាលក្រុងបញ្ជាក់បន្ថែមថា ករណីបង្កការខូចខាតនេះ លោកបានឲ្យសមត្ថកិច្ច និងម្ចាស់រថយន្តធ្វើការដោះស្រាយទៅតាមសន្តិវិធី។ ក្នុងនោះ អាចធ្វើបង្គោលសងជូនមកខេត្តវិញតាមការសម្របសម្រួលរបស់សមត្ថកិច្ច។
លោកវរសេនីយ៍ឯក ឈូក កុមុល អធិការក្រុងស្ទឹងត្រែង បញ្ជាក់ដែរថា រថយន្តនេះ សមត្ថកិច្ច នគរបាល បានឃាត់ និងនាំយកទៅទុកនៅស្នងការដ្ឋាននគរបាលខេត្ត ដើម្បីឲ្យម្ចាស់មានសំណងជូនមករដ្ឋវិញ។
លោកបន្តថា ករណីបង្កការខូចខាតនេះមិនមានគ្រោះថ្នាក់ដល់អ្នកដំណើរទេ ដូចនេះម្ចាស់រថយន្តធ្វើការដោះស្រាយទៅតាមការវាយតម្លៃលើការសាងសង់បង្គោលថ្មីជូនខេត្តវិញ ជាការបញ្ចប់បញ្ហា។
ម្ចាស់រថយន្ត បានទទួលស្គាល់ចំពោះការខូចខាតទ្រព្យសម្បត្តិសាធារណៈ ព្រោះខ្លួនបើកបរមិនមានបំណងធ្វើឲ្យប៉ះពាល់ទ្រព្យសម្បត្តិទាំងនេះទេ។ លោកមិនបានមើលឲ្យច្បាស់លាស់ នឹកស្មានថា រថយន្តចូលរួចតាមផ្លូវនេះ តែចៃដន្យបង្កឲ្យមានការខូចខាតទ្រព្យសម្បត្តិពិតប្រាកដមែន។
លោកថា ចំពោះការរៀបចំនីតិវិធីដោះស្រាយនេះ លោកនឹងទទួលខុសត្រូវ ហើយសហការជាមួយម្ចាស់ទំនិញ ដើម្បីដោះស្រាយ ធ្វើបង្គោលនេះជូនខេត្តតាមកិច្ចសន្យា។
សូមបញ្ជាក់ថា ក្រុងស្ទឹងត្រែង មន្ទីរសាធារណការ និងដឹកជញ្ជូនខេត្ត បានចេញសេចក្ដីណែនាំស្ដីពីរថយន្តធុនធំហាមចូលក្នុងក្រុង ដើម្បីរក្សាគុណភាពផ្លូវបេតុងដែលទើបសាងសង់ផង បញ្ចៀសកុំឲ្យមានការប៉ះពាល់ដល់ការធ្វើចរាចរណ៍របស់ប្រជាពលរដ្ឋផង។ តែរថយន្តនេះ បើកមកពីរាជធានីភ្នំពេញ មិនបានជ្រាបដំណឹង ទើបបើកបរចូលក្រុង បង្កការខូចខាតទ្រព្យសម្បត្តិសាធារណៈ៕
អត្ថបទ ៖ ងិន លីម
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២៣ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ