សន្តិសុខសង្គម
ព្រះសង្ឃជិត ២០ អង្គ មានអាការក្តៅព្រះកាយ ត្រូវបានបញ្ជូនទៅពេទ្យបង្អែកស្រុកថ្មគោល ទាំងយប់
បើតាមព័ត៌មានបឋម ព្រះសង្ឃជិត ២០ អង្គ គង់នៅវត្តខ្នាចរមាស ស្ថិតក្នុងឃុំខ្នាចរមាស ស្រុកបវេល មានអាការក្តៅព្រះកាយ អង្គខ្លះស្រែកយំផ្អើលពេញវត្ត ត្រូវបានអាជ្ញាធរស្រុកឲ្យរថយន្តសាមុយដឹកបញ្ជូនទៅកាន់មន្ទីរពេទ្យបង្អែកស្រុកថ្មគោលទាំងយប់តែម្ដង ដើម្បីសង្គ្រោះបន្ទាន់ភ្លាមៗ កាលពីវេលាម៉ោង ១១ យប់ ថ្ងៃទី ០១ ខែវិច្ឆិកា ឆ្នាំ ២០២២។
មន្ត្រីមូលដ្ឋានប្រាប់ថា ព្រះសង្ឃដែលបានបញ្ជូនទៅកាន់មន្ទីរពេទ្យកាលពីយប់មិញ ចំនួន ១៨ អង្គ នៅក្នុងវត្តខ្នាចរមាស ដោយមានអាការក្ដៅខ្លួនខ្លាំង រហូតដល់អង្គខ្លះស្រែកយំផ្អើលពេញវត្តទៀតផង។
ព្រះតេជគុណ អ៊ឹប ភារុណ មានសង្ឃដីកាដែរថា អាការបែបនេះ បានកើតឡើងប៉ុន្មានថ្ងៃកន្លងមកហើយ ទៅលើព្រះសង្ឃតែ ៤ ឬ ៥ អង្គប៉ុណ្ណោះ។ រហូតម៉ោងប្រហែល ៨ យប់មិញ នាថ្ងៃទី ០១ ខែវិច្ឆិកា ឆ្នាំ ២០២២ ក៏បានឆ្លងរាលដាលព្រះសង្ឃដល់ទៅ ១៨ អង្គ តែម្ដង។
អាជ្ញាធរមូលដ្ឋានឲ្យដឹងថា ក្រោយពីព្រះសង្ឃតែប៉ុន្មានអង្គដំបូងមានអាការឡើងកម្ដៅខ្លាំង គ្រូចៅអធិការវត្ត ក៏បានឲ្យគ្រូពេទ្យទៅពិនិត្យ និងប្រើប្រាស់ថ្នាំបន្ថយកម្ដៅ។ តែក្រោយមក អាការឡើងកម្ដៅនៅដដែល។
ព្រះតេជគុណ អ៊ឹប ភារុណ បញ្ជាក់បន្ថែមថា ក្រោយគ្រូពេទ្យឲ្យឆាន់ថ្នាំ ព្រះសង្ឃទាំងនោះក៏ធូរស្រាលភ្លាមៗ តែក្រោយមក ឡើងកម្ដៅវិញ ហើយឆ្លងរាលដាលខ្លាំងដល់ព្រះសង្ឃនានាក្នុងវត្ត រហូត ១៨ អង្គ។ ក្នុងនោះ ធ្វើឲ្យព្រះសង្ឃអង្គខ្លះស្រែកយំពេញសាលាឆាន់ ទើបអាជ្ញាធរសម្រេចឲ្យរថយន្តសាមុយជួយដឹកទៅសង្គ្រោះបន្ទាន់ភ្លាមៗ នៅមន្ទីរពេទ្យបង្អែកស្រុកថ្មគោលតែម្ដង។
គ្រូពេទ្យបានប្រាប់ឲ្យដឹងថា ព្រះសង្ឃខ្លះឡើងកម្ដៅខ្លាំងរហូត ៣៩ អង្សា។ ពេលនេះ ព្រះសង្ឃទាំង ១៨ អង្គ កំពុងគង់នៅព្យាបាលដោយព្យួរសេរ៉ូមនាមន្ទីរពេទ្យ។ ក្រោយពីក្រុមគ្រូពេទ្យយកសំណាកឈាមរួច គឺមិនទាន់ផ្តល់លទ្ធផលនៅឡើយទេ។ តែមកដល់ពេលនេះ គ្រូពេទ្យថា ព្រះសង្ឃខ្លះមានសភាពធូរស្រាលហើយ រង់ចាំតែលទ្ធផលប៉ុណ្ណោះ៕
អត្ថបទ ៖ សៅ សារិទ្ធ
កីឡាករជឺជីតស៊ូកម្ពុជា សុបញ្ញា ឈ្នះមេដាយមាសនៅអាមេរិក
អភិបាលរាជធានីភ្នំពេញថាការដាក់អនុវត្តន៍ផ្លូវថ្មើរជើងធ្វើឱ្យអាជីវករលក់ដាច់ជាងមុន
ការបិទរោងចក្រនៅថៃ ទំនងកាន់តែធ្ងន់ធ្ងរទៅៗឆ្នាំនេះ
ឧបនាយករដ្ឋមន្ត្រី ស សុខា ចង់ឱ្យខេត្តបាត់ដំបង រៀបចំផ្លូវថ្មើរជើងពេលរាត្រីដូចនៅភ្នំពេញ
ការដោះដូរទំនិញកម្ពុជា-អន្តរជាតិ សម្រេចបានជាង ៥ ពាន់លានដុល្លារ នៅក្នុងខែដំបូងឆ្នាំ ២០២៥
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
ប្រធានតុលាការកំពូលព្រមានមិនយោគយល់មន្ត្រីតុលាការដែលពុករលួយ
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៥ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
សន្តិសុខសង្គម២ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
-
ចរាចរណ៍៤ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៣ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក