សន្តិសុខសង្គម

គ្រូពេទ្យបញ្ជាក់ពីអាការៈព្រះសង្ឃ១៨អង្គដែលក្ដៅព្រះកាយខ្លាំង

បានផុស

២ years មុន

នៅ

ថ្ងៃព្រហស្បតិ៍ ៣ វិច្ឆិកា ២០២២

ដោយ

អាជ្ញាធរមូលដ្ឋានបានឲ្យដឹងនៅរសៀលថ្ងៃទី០២ ខែវិច្ឆកា នេះថា ព្រះសង្ឃដែលបានបញ្ជូនទៅកាន់មន្ទីរពេទ្យកាលពីយប់ចំនួន១៨អង្គនៅក្នុងវត្តខ្នាចរមាស ដោយមានអាការៈក្ដៅព្រះកាយខ្លាំងនោះ រហូតដល់ថ្ងៃទី០២ ខែវិច្ឆកា នេះ បានឆ្លងរាលដាលរហូតដល់២១អង្គ ដែលគ្រូពេទ្យបានរកឃើញរោគសញ្ញាជាបណ្តើរៗហើយ ដោយក្នុងនោះសង្ឃខ្លះគ្រុនឈាម និងរលាកបំពង់ក និងសង្ឃមួយចំនួនទៀត គ្រូពេទ្យកំពុងពិនិត្យនិងតាមដានបន្ត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីខាងលើនេះក្រោយពីមានព្រះសង្គ១៨អង្គដែលគង់នៅក្នុងវត្តខ្នាចរមាស ស្ថិតក្នុងឃុំខ្នាចរមាស ស្រុកបវេលមានអាការ:ក្តៅព្រះកាយខ្លាំង អង្គខ្លះស្រែកយំផ្អើលពេញវត្តត្រូវបានអាជ្ញាធរស្រុកឲ្យរថយន្តសាមុយដឹកបញ្ជូនទៅកាន់មន្ទីរពេទ្យបង្អែកស្រុកថ្មគោលទាំងយប់ ដើម្បីសង្គ្រោះបន្ទាន់ កាលពីវេលាម៉ោង១១យប់ថ្ងៃទី០១ ខែវិច្ឆិកា ឆ្នាំ២០២២។

តាមការបញ្ជាក់ពីព្រះតេជគុណ អ៊ឹប ភារុណ ដែលបានតាមដានយ៉ាងដិតដល់ចំពោះព្រះសង្ឃទាំងអស់កំពុងតែសង្គ្រោះនៅមន្ទីរពេទ្យស្រុកថ្មគោលបានមានសង្ឃដីកាថា ពេលនេះគ្រូពេទ្យបានបង្ហាញលទ្ធផលខ្លះៗហើយថា មានព្រះសង្ឃរហូតដល់២១អង្គហើយ ដែលបានពិនិត្យឈាមរួចហើយ និងកំពុងព្យាបាលនៅមន្ទីរពេទ្យបង្អែកស្រុកថ្មគោល មាន០៤អង្គកើតជំងឺគ្រុនឈាម ក្រៅពីនេះមានកើតជំងឺរលាកបំពង់ក និងមានប៉ុន្មានអង្គទៀតឋិតក្នុងការតាមដានអាការ:បន្ត
ទៀត ៕

អត្ថបទ៖ សៅ សារិទ្ធ