តុលាការខេត្តត្បូងឃ្មុំ ឃុំខ្លួនអតីតអ្នកកាសែតម្នាក់ ពីបទឆបោកប្រាក់ពលរដ្ឋជាង១ម៉ឺនដុល្លារ

បុរសជាអតីតអ្នកកាសែតម្នាក់ ត្រូវបានតុលាការខេត្តត្បូងឃុំ សម្រេចឃុំខ្លួនបណ្តោះអាសន្ននៅពន្ធនាគារខេត្ត ក្រោមការចោទប្រកាន់​ពីបទឆបោកប្រាក់ប្រជាពលរដ្ឋចំនួន១៥០០០ដុល្លារអាមេរិក។

ឈ្មោះ វ៉ន ទូច ជាអតីតអ្នកសារព័ត៌មានត្រូវបានកម្លាំងកងរាជអាវុធហត្ថខេត្តត្បូងឃ្មុំ ចាប់ខ្លួនកាលពីថ្ងៃទី៣០ ខែតុលា ឆ្នាំ២០២២ នៅគីឡូម៉ែត្រលេខ៧៩ ខណៈលោកដឹកគោចេញពីផ្ទះនៅភូមិក្បាលត្រាច ឃុំស្រែចារ ស្រុកស្នួល ខេត្តក្រចេះ ។

ការចាប់ខ្លួននេះ ធ្វើឡើងតាមដីកាបង្គាប់របស់តុលាការខេត្តត្បូងឃ្មុំ តាមបណ្តឹងរបស់ប្រជាពលរដ្ឋចំនួន៣នាក់ រួមមានឈ្មោះ ហ៊ម ញាញ់ ឈ្មោះ លីម​យ៉ង និងម្នាក់ទៀតឈ្មោះ ជា ណាត ពាក់ព័ន្ធករណីឆបោកប្រាក់របស់ពួកគេចំនួន ១៥០០០ដុល្លារ ប្រព្រឹត្តទៅកាលពីថ្ងៃទី០១ ខែសីហា ឆ្នាំ២០២១ ៕

អត្ថបទ៖ សាន វិឡែម